പ്രധാനമന്ത്രി നരേന്ദ്രമോദിക്കൊപ്പം വേദി പങ്കിട്ടത് ജീവിതത്തിലെ ഒരു വലിയ ഫാന് മൊമന്റ് ആയിരുന്നുവെന്ന് നടി ശോഭന. സ്ത്രീശക്തി മോദിക്കൊപ്പം എന്ന പരിപാടിയില് അതിഥിയായി ശോഭന പങ്കെടുത്തിരുന്നു. പരിപാടിയില് നിന്നുള്ള ചിത്രങ്ങള് സോഷ്യല് മീഡിയയില് പങ്കുവച്ചിരിക്കുകയാണ് ശോഭന ഇപ്പോള്.
”വലിയ ഫാന് മുമെന്റ്. തൃശൂരില് നടത്തിയ പരിപാടിയില്വച്ച് പ്രധാനമന്ത്രി നരേന്ദ്രമോദിയെ കാണാന് അവസരം ലഭിച്ചു. വനിതാ സംരക്ഷണ ബില് പാസാക്കുന്ന ചടങ്ങില് ഞാനും ഒരു അതിഥിയായിരുന്നു” എന്നാണ് ചിത്രങ്ങള് പങ്കുവച്ച് ശോഭന ഇന്സ്റ്റഗ്രാമില് കുറിച്ചത്.
അതേസമയം, വനിതാ സംവരണ ബില് പാസാക്കിയ മോദിയെ അഭിനന്ദിച്ച് ആയിരുന്നു ശോഭന പരിപാടിയില് സംസാരിച്ചത്. പ്രധാനമന്ത്രി നരേന്ദ്ര മോദി പങ്കെടുക്കുന്ന ബിജെപി പരിപാടിയില് ഇത്രമാത്രം പെണ്ണുങ്ങളെ തന്റെ ജീവിതത്തില് കാണുന്നതെന്ന് ആദ്യമായാണ് എന്നും ശോഭന പറഞ്ഞിരുന്നു.
”പ്രധാനമന്ത്രി നരേന്ദ്ര മോദി പങ്കെടുക്കുന്ന ബിജെപി പരിപാടിയില് ഇത്രമാത്രം പെണ്ണുങ്ങളെ എന്റെ ജീവിതത്തില് കാണുന്നതെന്ന് ആദ്യമായാണ്. എല്ലാ മേഖലകളിലും ഇന്നും സ്ത്രീകളുടെ പങ്കാളിത്തം കുറവാണ്. അതിന് ഒരു മാറ്റം ഉണ്ടാകാന് വനിത സംവരണബില്ലിന് കഴിയും എന്നാണ് പ്രതീക്ഷിക്കുന്നത്” എന്നായിരുന്നു ശോഭന പറഞ്ഞത്.
സര്ക്കാര് പെന്ഷന് മുടങ്ങിയതിനെതിരെ പ്രതിഷേധിച്ച മറിയക്കുട്ടി, ഇന്ത്യന് ഒളിമ്പിക് അസോസിയേഷന് പ്രസിഡന്റ് പി.ടി.ഉഷ എം.പി, ഇന്ത്യന് വനിതാ ക്രിക്കറ്റ് ടീമിന്റെ കേരള താരം മിന്നു മണി, ഗായിക വൈക്കം വിജയലക്ഷ്മി, സംരംഭക ബീന കണ്ണന് എന്നിവരും ചടങ്ങില് പങ്കെടുത്തിരുന്നു.