തമിഴില് ശോഭിക്കാനാവാതെ നടന് ഷെയ്ന് നിഗം. ഈ വര്ഷം ആദ്യം തിയേറ്ററുകളിലെത്തിയ ഷെയ്ന് നിഗം ചിത്രമാണ് ‘മദ്രാസ്കാരന്’. തിയേറ്ററില് ശോഭിക്കാനാവാത്ത മദ്രാസ്കാരന്റെ ഒ.ടി.ടി സ്ട്രീമിങ് തിയതിയാണ് ഇപ്പോള് പുറത്തുവന്നിരിക്കുന്നത്. ജനുവരി 10ന് ആണ് ചിത്രം റിലീസ് ചെയ്തത്. ഫെബ്രുവരിയിലാണ് മദ്രാസ്കാരന് ഒ.ടി.ടിയില് എത്തുന്നത്.
ആഹാ തമിഴ് എന്ന പ്ലാറ്റ്ഫോമില് ഫെബ്രുവരി 7ന് ചിത്രം സ്ട്രീമിങ് ആരംഭിക്കും. ബോക്സ് ഓഫീസില് വെറും 80 ലക്ഷം രൂപ മാത്രമാണ് ചിത്രത്തിന് നേടാനായത്. സത്യ എന്ന കഥാപാത്രമായാണ് ഷെയ്ന് സിനിമയില് വേഷമിട്ടത്. തമിഴിലെ അരങ്ങേറ്റം താരം മികച്ചതാക്കി എന്ന് റിപ്പോര്ട്ടുകള് എത്തിയെങ്കിലും ബോക്സ് ഓഫീസില് അത് പ്രതിഫലിച്ചില്ല.
തെലുങ്ക് നടി നിഹാരിക കൊനിഡെലയാണ് ചിത്രത്തില് നായികയായത്. വാലി മോഹന് ദാസ് ആണ് ചിത്രം സംവിധാനം ചെയ്തത്. കലൈയരസന്, ഐശ്വര്യ ദത്ത, കരുണാസ്, പാണ്ഡിരാജന്, സൂപ്പര് സുബ്ബരയന്, ഗീത കൈലാസം, ലല്ലു, ദീപ ശങ്കര്, ഉദയരാജ് എന്നിവരാണ് ചിത്രത്തിലെ മറ്റ് താരങ്ങള്.
അതേസമയം, ബര്മുഡ, ആയിരതൊന്നാം രാവ്, പൈങ്കിളി എന്നീ ചിത്രങ്ങളാണ് ഷെയ്നിന്റെതായി ഒരുങ്ങി കൊണ്ടിരിക്കുന്നത്. ബര്മുഡയുടെ റിലീസ് പ്രതിസന്ധിയിലാണ്. കഴിഞ്ഞ വര്ഷം ലിറ്റില് ഹാര്ട്സ് എന്ന ചിത്രമാണ് ഷെയ്നിന്റെതായി റിലീസ് ചെയ്തത്. ഈ ചിത്രവും ബോക്സ് ഓഫീസില് വിജയിച്ചിരുന്നില്ല.