ദുല്ഖര് സല്മാന് നായകനാവുന്ന ചിത്രം സല്യൂട്ടിന്റെ പുതിയ പോസ്റ്റര് റിലീസ് ചെയ്തു. നടന്റെ പിറന്നാള് ദിനത്തോടനുബന്ധിച്ചാണ് പുതിയ പോസ്റ്റര് റിലീസ് ചെയ്തത്. ദുല്ഖര്, റോഷന് ആന്ഡ്രൂസ് ഉള്പ്പടെയുള്ളവര് പോസ്റ്റര് സമൂഹ മാധ്യമങ്ങളിലൂടെ പങ്കുവെച്ചിട്ടുണ്ട്.
കഴിഞ്ഞ ദിവസമാണ് സിനിമയുടെ ഷൂട്ടിങ്ങ് പൂര്ത്തിയായത്. സംവിധായകന് റോഷന് ആന്ഡ്ര്യൂസ് ഇക്കാര്യം ഫേസ്ബുക്കിലൂടെ അറിയിച്ചിരുന്നു. ചിത്രത്തിന്റെ ഭാഗമായ എല്ലാ അണിയറ പ്രവര്ത്തകര്ക്കും നിര്മ്മാതാവായ ദുല്ഖര് സല്മാനും റോഷന് നന്ദി അറിയിച്ചു. സല്യൂട്ട് തനിക്ക് വളരെ പ്രിയപ്പെട്ട ചിത്രമായിരിക്കുമെന്നും അദ്ദേഹം കൂട്ടിച്ചേര്ത്തു.
ദുല്ഖര് സല്മാന് പൊലീസ് വേഷത്തില് എത്തുന്ന ആദ്യ ചിത്രമാണിത്. അരവിന്ദ് കരുണാകരന് എന്നാണ് ചിത്രത്തില് ദുല്ഖറിന്റെ കഥാപാത്രത്തിന്റെ പേര്. സല്യൂട്ടിന്റെ ടീസറിനും പോസ്റ്ററുകള്ക്കുമെല്ലാം വന് വരവേല്പ്പാണ് പ്രേക്ഷകരില് നിന്ന് ലഭിച്ചത്.
റോഷന് ആന്ഡ്രൂസ് സംവിധാനം ചെയ്യുന്ന സല്യൂട്ടിന്റെ ഷൂട്ട് കൊല്ലം, തിരുനനന്തപുരം, കാസര്കോട്, ഡല്ഹി എന്നിവിടങ്ങളില് വെച്ചാണ് നടന്നത്. ബോളിവുഡ് താരം ഡയാന പെന്റിയാണ് ചിത്രത്തിലെ നായിക. മനോജ് കെ ജയന്, ലക്ഷ്മി ഗോപാല സ്വാമി, സാനിയ ഈയപ്പന്, ബിനു പപ്പു, അലന്സിയര്, വിജയകുമാര് എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങള്.
റോഷന് ആന്ഡ്രൂസ് സംവിധാനം ചെയ്യുന്ന ചിത്രത്തിന്റെ തിരക്കഥ ബോബി , സഞ്ജൈയാണ് നിര്വ്വഹിക്കുന്നത്. ദുല്ഖര് സല്മാന്റെ പ്രൊഡക്ഷന് ഹൗസായ വേഫറെര് ഫിലിംസാണ് ചിത്രം നിര്മ്മിക്കുന്നത്. അസ്ലം പുരയില് ഛായാഗ്രാഹണം നിര്വ്വഹിക്കുന്ന ചിത്രത്തിന്റെ എഡിറ്റര് ശ്രീഖര് പ്രസാദാണ്. സന്തോഷ് നാരായണനാണ് സംഗീത സംവിധാനം.