മലയാളത്തിന്റെ പ്രിയ അവതാരക രഞ്ജിനി ഹരിദാസ് വിവാഹിതയാകാന്‍ പോവുകയാണോ? വിവാഹം ചെയ്യാനൊരുങ്ങുന്നു എന്ന് പറയുന്ന രഞ്ജിനിയുടെ വീഡിയോയാണ് സോഷ്യല്‍ മീഡിയയില്‍ പ്രചരിച്ചത്. ലോക്ഡൗണില്‍ വീട്ടിലിരുന്നപ്പോള്‍ ഇതുവരെ ചിന്തിക്കില്ല എന്ന് നിങ്ങള്‍ കരുതിയ ആ കാര്യം ചിന്തിച്ചു, കല്യാണം കഴിക്കാന്‍ പോകുന്നു എന്നാണ് രഞ്ജിനി പറയുന്നത്.
“”ഫ്രണ്ട്‌സും സ്റ്റേജ് ഷോയും മാത്രം പോരാ, ജീവിതത്തില്‍ മറ്റെന്തോ കൂടി വേണം. രഞ്ജിനി ഹരിദാസ് ജീവിതത്തില്‍ ഒരിക്കലും ചിന്തിക്കില്ല എന്നു നിങ്ങള്‍ കരുതിയ ആ കാര്യം തന്നെ. രഞ്ജിനി ഹരിദാസ് കല്യാണം കഴിക്കാന്‍ പോവുന്നു”” എന്നാണ് വീഡിയോയില്‍ താരം പറയുന്നത്.
“”പെണ്ണു കാണാന്‍ നിന്നു കൊടുക്കാനും കാല്‍വിരല്‍ കൊണ്ട് കളം വരയ്ക്കാനും എന്നെ കിട്ടില്ല. ഒരു സ്വയംവരം വേണം, ശ്രീരാമന്‍ സീതയെ കെട്ടിയതു പോലെ, നളന്‍ ദമയന്തിയെ കൊണ്ടു പോയതു പോലെ… ഒരുപാട് പേരില്‍ നിന്നും ഞാന്‍ എനിക്ക് പറ്റിയ ഒരാളെ സെലക്ട് ചെയ്യും.””
ജാതിയും മതവും പ്രശ്‌നമല്ല. കുറച്ചു ദമ്പതികള്‍ കൂടി എന്റെ ഒപ്പം കാണും, അപ്പോള്‍ എന്റെ സ്വയംവരം കാണാന്‍ റെഡി ആയിക്കൊള്ളൂ..”” എന്നാണ് രഞ്ജിനിയുടെ വാക്കുകള്‍. എന്നാല്‍ ഇത് ഒരു ചാനല്‍ ഷോയുടെ പരസ്യ വീഡിയോ മാത്രമാണ്. “ഇങ്ങനെ ഒരു ഭാര്യയും ഭര്‍ത്താവും” എന്ന പുതിയ പരിപാടിയുടെ പരസ്യചിത്രമാണിത്.