‘ആവേശം’ തിയേറ്ററില് ആവേശം തീര്ക്കുമ്പോള് രംഗണ്ണന്റെ വാരിയട്ടി വീഡിയോകളാണ് സോഷ്യൽ മീഡിയയിൽ ഇപ്പോൾ ശ്രദ്ധ നേടുന്നത്. രംഗയുടെ കരിങ്കാളി റീല്സ് കഴിഞ്ഞ ദിവസമാണ് വൈറലായത്. ഇപ്പോഴിതാ രംഗണ്ണന്റെ ആക്ഷൻ ട്രെയിനിങ് വീഡിയോ ആണ് പുറത്തു വന്നിരിക്കുന്നത്.
‘ആവേശം ഫൈറ്റിന് വേണ്ടിയുള്ള ഫാഫയുടെ സമർപ്പണം.’എന്ന അടികുറിപ്പോടെയാണ് വീഡിയോ പുറത്തു ഇറക്കിയിരിക്കുന്നത്. ആക്ഷൻ രംഗങ്ങൾ പരിശീലിക്കുന്ന ഫഹദ് ഫാസിൽ ആണ് വിഡിയോയിൽ ഉള്ളത്.
ഫഹദിന്റെ വളരെ വേറിട്ടൊരു കഥാപാത്രം തന്നെയാണ് ആവേശത്തിലെ രംഗണ്ണന്. നിലവില് 66.25 കോടി രൂപയ്ക്ക് മുകളിൽ നേടി ആവേശം ആഗോള ബോക്സ് ഓഫീസില് കുതിക്കുകയാണ്. മലയാളത്തിലെ എല്ലാ നടന്മാരേയും ഒരു ത്രാസ്സിലും ഫഹദിനെ തനിച്ചും വെയ്ക്കാം. അതാണ് ആക്ടിങ് പവർ, ഗ്രേറ്റ് കിക്ക്, ഡെഡിക്കേഷൻ എണ്ണിനങ്ങനെയുള്ള കമന്റുകളാണ് വീഡിയോയ്ക്ക് താഴെ വരുന്നത്.
ഏപ്രില് 11ന് റിലീസ് ചെയ്ത ചിത്രം അഞ്ച് ദിവസത്തിനുള്ളില് 50 കോടി ക്ലബ്ബില് എത്തിയിരുന്നു. ആദ്യ ദിവസം കേരളത്തില് നിന്നും 3.5 കോടിയാണ് ചിത്രം നേടിയത്. ആഗോള കളക്ഷനായി ലഭിച്ചത് 10.57 കോടിയായിരുന്നു. പിന്നീട് വന്ന ദിവസങ്ങളിലെല്ലാം ആഗോള കളക്ഷന് പത്ത് കോടിയായി സിനിമ നില നിര്ത്തി. നിലവില് 65 കോടിക്ക് മുകളിലാണ് ചിത്രത്തിന്റെ കളക്ഷന്.
‘രോമാഞ്ച’ത്തിന് ശേഷം ജിത്തു മാധവന് സംവിധാനം ചെയ്യുന്ന ചിത്രമാണിത്. ബംഗളുരുവിലെ ഒരു കോളേജ് പശ്ചാത്തലത്തിലുള്ള 3 മലയാളി വിദ്യാര്ത്ഥികളുടെ കഥയും ശേഷം അവര് നേരിടുന്ന ചില പ്രശ്നങ്ങള്ക്ക് രംഗ എന്ന ലോക്കല് ഗുണ്ടാ നേതാവിന്റെ സഹായം തേടുന്നതും തുടര്ന്നുള്ള രസകരമായ സംഭവ വികാസങ്ങളുമാണ് ചിത്രത്തിന്റെ പ്രമേയം.
മന്സൂര് അലി ഖാന്, ആശിഷ് വിദ്യാര്ത്ഥി, സജിന് ഗോപു, യൂട്യൂബറുമായ ഹിപ്സ്റ്റര്, മിഥുന് ജെഎസ്, റോഷന് ഷാനവാസ്, പൂജ മോഹന്രാജ്, നീരജ രാജേന്ദ്രന്, ശ്രീജിത്ത് നായര്, തങ്കം മോഹന് തുടങ്ങി നിരവധി പേരാണ് ചിത്രത്തില് മറ്റ് പ്രധാന വേഷങ്ങളിലെത്തിയത്.