പിറന്നാള് ദിനത്തില് നിര്മ്മാതാവ് ആന്റോ ജോസഫിന് ആശംസകളുമായി യൂത്ത് കോണ്ഗ്രസ്സ് നേതാവ് രാഹുല് മാങ്കൂട്ടത്തില്. സിനിമാപ്രവര്ത്തകര് ഇടതു പക്ഷമല്ലെങ്കില് കൂവി തോല്പ്പിക്കുന്ന സാംസ്കാരിക ഗുണ്ടായിസത്തെ പല പതിറ്റാണ്ടുകളായി പ്രതിരോധിച്ച മനുഷ്യനാണ് ആന്റോയെന്ന് അദ്ദേഹം ഫെയ്സ്ബുക്കില് കുറിച്ചു.
കുറിപ്പിന്റെ പൂര്ണ്ണരൂപം
സിനിമക്കാര് ആയാല് ഇടതുപക്ഷം ആയിരിക്കണമെന്നും, അല്ലെങ്കില് ‘കൂവി തോല്പ്പിക്കും’ എന്നുമുള്ള സാംസ്കാരിക ഗുണ്ടായിസത്തെ കഴിഞ്ഞ പല പതിറ്റാണ്ടായി പ്രതിരോധിക്കുന്ന മനുഷ്യനാണ് ആന്റോ ജോസഫ്. ഇപ്പോഴും ആ പഴയ കോട്ടയം ജില്ല KSU കമ്മിറ്റി സെക്രട്ടറിയുടെ മനസ്സോടെ കോണ്ഗ്രസ്സ് പ്രസ്ഥാനത്തിന്റെ ഭാഗമായിരിക്കുന്നവന്.
ഭരണത്തുടര്ച്ചയുടെ അഹങ്കാരത്തില് പിണറായി സര്ക്കാര് നില കൊള്ളുമ്പോഴും , നാളെകളില് സര്ക്കാരിന്റെ ഭാഗത്ത് നിന്നുണ്ടായേക്കാവുന്ന വേട്ടയാടലുകളില് വ്യാകുലപ്പെടാതെ ഈ തൃക്കാക്കര ഉപതിരഞ്ഞെടുപ്പില് പി.ടി. യുടെ നിലപാടുകള് ഓര്മ്മിപ്പിച്ച്,
ഉമ തോമസ് എന്ന പഴയ കാല KSU നേതാവിന്റെ നേതൃപാടവത്തില് വിശ്വാസമര്പ്പിച്ച് കോണ്ഗ്രസ്സ് പ്രത്യയ ശാസ്ത്ര പ്രസക്തിയുടെ പ്രധാന്യമോര്മിപ്പിച്ച് ആര്ജ്ജവത്തോടെ പരസ്യ നിലപാട് സ്വീകരിച്ച സിനിമാക്കാരന്…..പ്രിയ ആന്റോ ചേട്ടന്റെ ജന്മദിനം കൂടിയാണിന്ന്…. ആന്റോ ചേട്ടനും , അദ്ദേഹത്തിന്റെ നിലപാടുകള്ക്കും ആശംസകള്, അഭിവാദ്യങ്ങള്….