ജയസൂര്യയും ചെമ്പന് വിനോദ് ജോസും ഒന്നിക്കുന്ന ചിത്രം പൂഴിക്കടകന്റെ ട്രെയിലര് ശ്രദ്ധ നേടുന്നു. ഏറെ സാമൂഹിക പ്രാധാന്യമുള്ള വിഷയവുമായി എത്തുന്ന ചിത്രം നവാഗതനായ ഗിരീഷ് നായരാണ് സംവിധാനം ചെയ്യുന്നത്. മികച്ച സ്വീകാര്യതയാണ് ട്രെയിലറിന് ലഭിച്ചിരിക്കുന്നത്. പുറത്തിറങ്ങി രണ്ട് ദിനം പിന്നിടുമ്പോള് മൂന്ന് ലക്ഷത്തിനുമേല് കാഴ്ചക്കാരുമായി ട്രെയിലര് ട്രെന്ഡിംഗില് പന്ത്രണ്ടാമതുണ്ട്.
ചിത്രത്തില് സാമുവല് ജോണ് എന്ന കഥാപാത്രത്തെയാണ് ചെമ്പന് വിനോദ് അവതരിപ്പിക്കുന്നത്. തമിഴ് തെലുങ്കു താരം ധന്യ ബാലകൃഷ്ണനാണ് ചിത്രത്തില് നായിക. അലന്സിയര്, വിജയ് ബാബു, ബാലു വര്ഗീസ്, സുധി കോപ്പ, ബിജു സോപാനം, കോട്ടയം പ്രദീപ്, സെബി ജോര്ജ്, മാല പാര്വതി, ഐശ്വര്യ ഉണ്ണി തുടങ്ങിയവരാണ് മറ്റ് അഭിനേതാക്കള്. ഗിരീഷ് നായരും ഉണ്ണി മലയിലും ചേര്ന്നൊരുക്കിയ കഥയ്ക്ക് ഷ്യാല് സതീഷും ഹരി പ്രസാദ് കോളേരിയും ചേര്ന്ന് തിരക്കഥയും സംഭാഷണവും രചിച്ചിരിക്കുന്നു.
ഇവാബ് പ്രൊഡക്ഷന്സിന്റെ ബാനറില് സാം, നൗഫല് എന്നിവര് ചേര്ന്നാണ് “പൂഴിക്കടകന്” നിര്മ്മിക്കുന്നത്. റഫീഖ് അഹമ്മദ്, സന്തോഷ് വര്മ, മനു മന്ജിത് എന്നിവരുടെ വരികള്ക്ക് ബിജിബാല്, രഞ്ജിത് മേലേപ്പാട്ട് എന്നിവര് ഈണം നല്കിയിരിക്കുന്നു. ചിത്രം ഈ മാസം 29- ന് തിയേറ്ററുകളിലെത്തും.