സിനിമാപ്രേമികള്‍ വളരെ പ്രതീക്ഷയോടെ കാത്തിരിക്കുന്ന ഇന്ത്യന്‍ ചിത്രങ്ങളില്‍ ഒന്നാണ് അല്ലു അര്‍ജുന്റെ പുഷ്പ 2. ഓഡിയോ റൈറ്റ്സ് 65 കോടിക്ക് വിറ്റുപോയെന്ന തരത്തിലുള്ള വാര്‍ത്തകള്‍ പുറത്തുവന്നതോടെ ആവേശത്തിലായിരുന്നു ആരാധകര്‍. എന്നാല്‍ പുതിയ റിപ്പോര്‍ട്ടുകള്‍ വെളിപ്പെടുത്തുന്നത് പുറത്തുവന്ന വാര്‍ത്തകള്‍ തികച്ചും വ്യാജമാണെന്നാണ് എല്ലാ ഭാഷകളുടെയും ഓഡിയോ അവകാശം 20 കോടിക്ക് വിറ്റതായാണ് റിപ്പോര്‍ട്ട് .. ഈ കണക്ക് നേരത്തെ റിപ്പോര്‍ട്ട് ചെയ്ത 65 കോടിയേക്കാള്‍ 69% കുറവാണ്.
ഇതാദ്യമായല്ല പുഷ്പ 2വുമായി ബന്ധപ്പെട്ട കണക്കുകള്‍ ചോദ്യം ചെയ്യപ്പെടുന്നത്. നേരത്തെ, 1000 കോടിയുടെ തിയറ്റര്‍ റൈറ്റ്സ് ചിത്രത്തിന് ലഭിച്ചുവെന്ന റിപ്പോര്‍ട്ടുകള്‍ ഇന്റര്‍നെറ്റില്‍ പ്രചരിച്ചിരുന്നു. പിന്നീടാണ് ഇത്തരം വാര്‍ത്തകളെല്ലാം വ്യാജമാണെന്ന് കണ്ടെത്തിയത്.
യഥാര്‍ത്ഥത്തില്‍, തെലുങ്ക്, ഹിന്ദി പതിപ്പുകള്‍ ഒഴികെ, മറ്റ് ഡബ്ബ് ചെയ്ത പതിപ്പുകള്‍ക്കൊന്നും വലിയ ഓഫറുകള്‍ ലഭിക്കുന്നില്ല. പുഷ്പ: ദി റൂളി’നൊപ്പം ഡിഎസ്പി രചിക്കുന്ന ഗാനങ്ങള്‍ ആഗോള പ്ലാറ്റ്ഫോമിലേക്കെത്തിക്കുന്നത് ടീ സീരീസാണ്.
രക്ത ചന്ദന കടത്തുകാരനായ പുഷ്പരാജിന്റെ വളര്‍ച്ചയായിരുന്നു ആദ്യ ഭാഗമായ പുഷ്പ ദ റൈസ് പറഞ്ഞത്. രണ്ടാം ഭാഗം കൂടുതല്‍ അവേശം നിറയ്ക്കുമെന്നാണ് സിനിമയുടെ അടുത്ത വൃത്തങ്ങള്‍ സൂചിപ്പിക്കുന്നത്. രശ്മികയാണ് പുഷ്പ 2വിലും നായികാ വേഷം അവതരിപ്പിക്കുന്നത്.
