മമ്മൂട്ടിയെയും മോഹൻലാലിനെയും കുറിച്ച് തുറന്നു പറഞ്ഞ് സിനിമയിലെ പ്രൊഡക്ഷൻ കണ്‍ട്രോളര്‍മാരില്‍ ഒരാളായ സേതു അടൂര്‍ പങ്കുവെച്ച വിശേഷങ്ങള്‍ വൈറലായി കൊണ്ടിരിക്കുകയാണ് ഇപ്പോള്‍. മാസ്റ്റര്‍ ബിന്‍ എന്ന യൂട്യൂബ് ചാനലിലൂടെയായിരുന്നു അദ്ദേഹം വിശേഷങ്ങള്‍ പങ്കുവെച്ചത്.
അസിസ്റ്റന്റ് ഡയറക്ടര്‍മാരെ ഒരുപാട് കുഴപ്പിക്കുന്ന ആര്‍ട്ടിസ്റ്റ് കൂടിയാണ് മോഹന്‍ലാല്‍. ഒരു സീന്‍ ഷൂട്ട് ചെയ്ത് അടുത്ത ഷെഡ്യൂള്‍ ഒരു വര്‍ഷം കഴിഞ്ഞാണ് ആരംഭിക്കുന്നതെങ്കിലും ലാല്‍ സാര്‍ ഓര്‍ത്തിരിക്കും. മോനേ ആ ചെയര്‍ അവിടല്ലായിരുന്നുവല്ലോയെന്ന് അദ്ദേഹം ചോദിക്കും. അതിന് ശേഷമായിരിക്കും അവരും ഇത് നോക്കുന്നത്. ലാല്‍ സാര്‍ പറഞ്ഞത് ശരിയായിരിക്കുകയും ചെയ്യും
ഡബ്ബിംഗിന് കയറിയാല്‍ അത് തീര്‍ത്തേ പൃഥ്വിരാജ് വെള്ളം പോലും കുടിക്കൂ, അത്രയും സ്പീഡാണ് രാജുവിന്. വാക്കുകള്‍ സ്ഫുടതയോടെ പറയുന്നയാളാണ് സുരേഷ് ഗോപി. ചിരിച്ച് കളിച്ച് ആസ്വദിച്ചാണ് മോഹന്‍ലാല്‍ ഡബ്ബ് ചെയ്യാറുള്ളത്. ലാല്‍ സാര്‍ ചെയ്യുന്ന പല കഥാപാത്രങ്ങളും സുരേഷേട്ടന്‍ ചെയ്താല്‍ ശരിയാവില്ല. അത് പോലെ തന്നെയാണ് മമ്മൂക്കയും. ഓരോരുത്തരുടേയും ശരീരഭാഷയ്ക്ക് അനുസരിച്ച കഥാപാത്രങ്ങളുണ്ടെന്നും സേതു അടൂര്‍ പറയുന്നു.