നടനും സംവിധായകനും കോറിയോഗ്രാഫറുമായ പ്രഭുദേവ വീണ്ടും വിവാഹിതനായി. ബിഹാര് സ്വദേശിയായ ഫിസിയോതെറാപ്പിസ്റ്റ് ആണ് താരത്തിന്റെ വധു. സെപ്റ്റംബറില് വിവാഹം കഴിഞ്ഞതായുള്ള റിപ്പോര്ട്ടുകളാണ് പുറത്തു വരുന്നത്. താരത്തിന്റെ മുംബൈയിലെ വസതിയില് വെച്ചായിരുന്നു വിവാഹം. ഇരുവരും ഇപ്പോള് ചെന്നൈയില് ഉണ്ടെന്നും ഇന്ത്യ ടുഡേ റിപ്പോര്ട്ടു ചെയ്യുന്നു.
അടുത്തിടെ ആയിരുന്നു താരം വീണ്ടും വിവാഹിതനാകാന് പോവുകയാണെന്നും സഹോദരിയുടെ മകളുമായി പ്രണയത്തിലാണെന്നും വാര്ത്തകള് പ്രചരിച്ചത്. ഇത് തെറ്റാണെന്നും വിവാഹം കഴിഞ്ഞു എന്നുമാണ് പ്രഭുദേവയോട് അടുത്തവൃത്തങ്ങള് ഇന്ത്യ ടുഡേയോട് വ്യക്തമാക്കിയിരിക്കുന്നത്.
പുറംവേദനയുമായി ബന്ധപ്പെട്ട് ഫിസിയോതെറാപ്പിസ്റ്റിനെ കാണുകയും, ഇരുവരുടെയും സൗഹൃദം പിന്നീട് പ്രണയത്തിലെത്തുകയും വിവാഹിതരാവുകയുമായിരുന്നു. എന്നാല് ഈ വാര്ത്തകളോട് പ്രഭുദേവയോ അദ്ദേഹത്തിന്റെ മാനേജരോ പ്രതികരിച്ചിട്ടില്ല. പ്രഭുദേവയുടെ വിവാഹമോചനവും പ്രണയവും പ്രണയത്തകര്ച്ചയുമെല്ലാം വാര്ത്തകളില് നേരത്തെ നിറഞ്ഞു നിന്നിരുന്നു.
റംലത്ത് ആയിരുന്നു പ്രഭുദേവയുടെ ആദ്യ ഭാര്യ. ഈ ബന്ധത്തില് രണ്ട് ആണ്മക്കളുമുണ്ട്. നയന്താരയുമായുള്ള പ്രണയത്തെ തുടര്ന്ന് താരം റംലത്തില് നിന്നും വിവാഹമോചനം നേടിയിരുന്നു. എന്നാല് വൈകാതെ തന്നെ നയന്താരയും പ്രഭുദേവയും പിരിയുകയും ചെയ്തു.