ദിലീപ് ചിത്രം ‘പവി കെയര്ടേക്കര്’ ഇനി ഒ.ടി.ടിയിലേക്ക്. ജൂലൈ 26ന് ചിത്രം മനോരമ മാക്സില് സ്ട്രീമിംഗ് ആരംഭിക്കും എന്നാണ് റിപ്പോര്ട്ടുകള്. എന്നാല് പവി കെയര്ടേക്കറിന് മുമ്പ് തിയേറ്ററുകളിലെത്തിയ ബാന്ദ്ര, തങ്കമണി എന്നീ സിനിമകള് ഇതുവരെ ഒ.ടി.ടിയില് എത്തിയിട്ടില്ല.
അതേസമയം, ഏപ്രില് 26ന് തിയേറ്ററില് എത്തിയ പവി കെയര്ടേക്കര് ബോക്സ് ഓഫീസില് നിന്നും 13 കോടി രൂപയാണ് നേടിയത്. വിനീത് കുമാറിന്റെ സംവിധാനത്തില് ഒരുങ്ങിയ ചിത്രം ഗ്രാന്ഡ് പ്രൊഡക്ഷന്സിന്റെ ബാനറില് ദിലീപ് തന്നെയാണ് നിര്മ്മിച്ചത്.
തിയേറ്റര് ഉടമകളുടെ സംഘടനയായ ഫിയോക് ആദ്യമായി വിതരണത്തിന് എത്തിച്ച ആദ്യ ചിത്രം കൂടിയാണ് പവി കെയര് ടേക്കര്. രാജേഷ് രാഘവനാണ് ചിത്രത്തിന് വേണ്ടി തിരക്കഥയൊരിയത്. ദിലീപിനൊപ്പം അഞ്ച് പുതുമുഖ നായികമാരാണ് ഈ ചിത്രത്തിലൂടെ മലയാള സിനിമയിലേക്ക് അരങ്ങേറ്റം കുറിച്ചത്.
ജൂഹി ജയകുമാര്, ശ്രേയ രുഗ്മിണി, റോസ്മിന്, സ്വാതി, ദിലിന രാമകൃഷ്ണന് എന്നിവരാണ് ചിത്രത്തിലെ അഞ്ച് നായികമാര്. ജോണി ആന്റണി, രാധിക ശരത്കുമാര്, ധര്മജന് ബോള്ഗാട്ടി, സ്ഫടികം ജോര്ജ്, അഭിഷേക് ജോസഫ്, മാസ്റ്റര് ശ്രീപത്, ഷൈജു അടിമാലി, ദീപു പണിക്കര്, ഷാഹി കബീര്, ജിനു ബെന് തുടങ്ങിയ ഒരു വന് താരനിര തന്നെ ചിത്രത്തില് ഉണ്ടായിരുന്നു.
സനു താഹിര് ആണ് ചിത്രത്തിന്റെ ഛായാഗ്രഹണം നിര്വഹിക്കുന്നത്. എക്സിക്യൂട്ടീവ് പ്രൊഡ്യൂസര്സ് അനൂപ് പത്മനാഭന്, കെ. പി വ്യാസന്, എഡിറ്റര് -ദീപു ജോസഫ്, പ്രൊജക്റ്റ് ഹെഡ് റോഷന് ചിറ്റൂര്, പ്രൊഡക്ഷന് ഡിസൈന് നിമേഷ് എം താനൂര്, പ്രൊഡക്ഷന് കണ്ട്രോളര് രഞ്ജിത് കരുണാകരന്.