എല്ലാ മലയാളികൾക്കും ഓണാശംസകൾ നേർന്ന് സിനിമാലോകം. ചിത്രങ്ങൾ സഹിതമാണ് സോഷ്യൽ മീഡിയയിൽ താരങ്ങൾ ഓണാശംസകൾ നേർന്നത്. ‘എല്ലാ മലയാളികൾക്കും എൻ്റെ ഹൃദയം നിറഞ്ഞ തിരുവോണാശംസകൾ’, മമ്മൂട്ടിയും മോഹൻലാലും കുറിച്ചു.
മമ്മൂട്ടി, മോഹൻലാൽ, സുരേഷ് ഗോപി, ദിലീപ്, കമൽഹാസൻ, ദുൽഖർ സൽമാൻ, നിമിഷ സജയൻ തുടങ്ങിയ താരങ്ങളൊക്കെ ആശംസകളുമായി എത്തി. ‘ഈ വർഷത്തെ ഓണത്തിൻ്റെ സ്നേഹം പകരുന്ന ഊർജവും ജീവൻ തുടിക്കുന്ന വർണ്ണങ്ങളും നിങ്ങൾക്കെല്ലാവർക്കും ഒരിക്കലും നിലയ്ക്കാത്ത സന്തോഷം നൽകട്ടെ. എൻ്റെ ഹൃദയം നിറഞ്ഞ ഓണാശാംശകൾ എന്നാണ് കമൽഹാസൻ കുറിച്ചത്.
അതേസമയം ഏവർക്കും സന്തോഷത്തിൻ്റെയും സമൃദ്ധിയുടെയും ഓണം ആശംസകൾ എന്നാണ് ദുൽഖർ സൽമാൻ കുറിച്ചത്. ഏവർക്കും എൻ്റെയും എൻ്റെ കുടുംബത്തിൻ്റെയും ഹൃദയം നിറഞ്ഞ ഓണാശംസകൾ എന്ന് ഭാര്യയ്ക്കൊപ്പമുള്ള ചിത്രവും പങ്കുവച്ച് സുരേഷ് ഗോപി കുറിച്ചു. എല്ലാം പ്രിയപെട്ടവർക്കും ഞങ്ങളുടെ ഹൃദയം നിറഞ്ഞ ഓണാശംസകൾ എന്നാണ് ദിലീപ് കുറിച്ചത്.