പൂമരത്തിന് ശേഷം എബ്രിഡ് ഷൈന്‍ സംവിധാനം ചെയ്ത ദി കുങ്ഫു മാസ്റ്റര്‍ എന്ന ചിത്രം ഇപ്പോള്‍ പ്രേക്ഷകരുടെയും നിരൂപകരുടെയും പ്രശംസ നേടിയിരിക്കുകയാണ്. പേര് സൂചിപ്പിക്കുന്നത് പോലെ കുങ്ഫു എന്ന മാര്‍ഷ്യല്‍ ആര്‍ട്‌സിനു പ്രാധാന്യം നല്‍കിയാണ് ഒരുക്കിയിരിക്കുന്നത്. പൂമരത്തിലൂടെ മലയാള സിനിമയിലെത്തിയ നീത പിള്ള പ്രധാന വേഷം ചെയ്തിരിക്കുന്ന ഈ ചിത്രത്തില്‍ ജിജി സ്‌കറിയ, സനൂപ് എന്നിവരും ഗംഭീര പ്രകടനം കാഴ്ച വെച്ചിരിക്കുന്നു.
ഇപ്പോഴിതാ ഈ ചിത്രത്തിന് പ്രശംസയുമായി എത്തിയിരിക്കുന്നത് യുവ താരം നിവിന്‍ പോളി ആണ്. എബ്രിഡ് ഷൈന്‍ ഒരുക്കിയ ആദ്യ രണ്ടു ചിത്രങ്ങളിലും നായക വേഷം ചെയ്ത നിവിന്‍ പോളി പറയുന്നത് ദി കുങ്ഫു മാസ്റ്റര്‍ മലയാള സിനിമാ ചരിത്രത്തിലെ തന്നെ ഏറ്റവും മികച്ച ആക്ഷന്‍ ചിത്രങ്ങളില്‍ ഒന്നാണെന്നാണ്. ചിത്രവും അതില്‍ അഭിനയിച്ചവരുടെ പ്രകടനവും അവരുടെ ആക്ഷന്‍ രംഗങ്ങളും ഗംഭീരമായിട്ടുണ്ട് എന്ന് പറഞ്ഞ നിവിന്‍, എബ്രിഡ് ഷൈന്‍ എന്ന സംവിധായകന്‍ തന്റെ പ്രതിഭ ഒരിക്കല്‍ കൂടി ലോകത്തിനു കാണിച്ചു തന്നു എന്നും പറയുന്നു.
മേജര്‍ രവിയുടെ മകന്‍ അര്‍ജുനാണ് ചിത്രത്തിന്റെ ഛായാഗ്രാഹകന്‍. ഫുണ്‍ ഓണ്‍ ഫ്രെയിംസിന്റെ ബാനറില്‍ ഷിബി തെക്കുംപുറമാണ് ചിത്രം നിര്‍മ്മിച്ചിരിക്കുന്നത്.
മേജര്‍ രവിയുടെ മകന്‍ അര്‍ജുനാണ് ക്യാമറ. കെ.ആര്‍. മിഥുന്‍ എഡിറ്റര്‍. ഫുള്‍ ഓണ്‍ ഫ്രെയിംസിന്റെ ബാനറില്‍ ഷിബു തെക്കുംപുറമാണ് നിര്‍മാതാവ്.