തമിഴകത്തും കേരളത്തിലും വിദേശത്തും ‘ലിയോ’യുടെ ഓളമാണ്. വിജയ്ക്കൊപ്പം ക്ലാഷ് റിലീസ് വച്ച് ഒരു തെലുങ്ക് ചിത്രവും ഇന്ന് തിയേറ്ററുകളില് എത്തിയിട്ടുണ്ട്. വിജയ്ക്കും ലോകേഷ് കനകരാജിനും ചെക്ക് വയ്ക്കാന് തെലുങ്കിലെ സൂപ്പര് താരം നന്ദമൂരി ബാലകൃഷ്ണയാണ് തന്റെ പുതിയ ചിത്രം ‘ഭഗവന്ത് കേസരി’യുമായി എത്തിയത്.
ഒരു ക്ലീന് ഫാമിലി എന്റര്ടെയ്നറായി എത്തിയ ഭഗവന്ത് കേസരിക്കും മികച്ച പ്രതികരണങ്ങളാണ് ലഭിച്ചു കൊണ്ടിരിക്കുന്നത്. ഭഗവന്ത് കേസരി ടെറിഫിക് തിയേറ്റര് എക്സ്പീരിയന്സ് ആണ് എന്നാണ് സിനിമ കണ്ട പ്രേക്ഷകര് സോഷ്യല് മീഡിയയില് കുറിച്ചിരിക്കുന്നത്.
പ്രീ റിലീസ് ബിസിനസില് 69.75 കോടി നേടിയാണ് ചിത്രം ഇന്ന് തിയേറ്ററില് എത്തിയത്. ഭഗവന്ത് കേസരി ബാലയ്യയുടെ വണ് മാന് ഷോ ആണെന്നും ചിലര് അഭിപ്രാടപ്പെടുമ്പോള് അനില് രവിപുഡി എന്ന സംവിധായകനെയും മറ്റൊരു വിഭാഗം അഭിനന്ദിക്കുന്നുണ്ട്.
”എന്ബികെയുടെ പുതിയ അവതാരം. എന്ബികെയുടെയും ശ്രീലീലയുടെയും ഇമോഷണല് സീനുകള് നന്നായി വര്ക്ക് ചെയ്തു. തമന്റെ സംഗീതം സൂപ്പര്. ഫ്ലാഷ്ബാക്ക് സീനുകള് വളരെ മികച്ചത്” എന്നാണ് ഒരാള് ട്വിറ്ററില് കുറിച്ചത്.
സംവിധായകന് ഗോപിചന്ദ് മലിനേനിയും സിനിമയെ പ്രശംസിച്ച് രംഗത്തെത്തിയിട്ടുണ്ട്. ”ബാലയ്യ ഗാരു ഫയര്, അദ്ദേഹത്തിന്റെ എല്ലാ ഫ്രെയ്മുകളും ഗംഭീരം, അനില് രവിപുഡിയുടെ എക്സലെന്റ് ഷോ, തമന്റെ സംഗീതം, ശ്രീലീലയുടെ അഭിനയം എല്ലാം മികച്ചത്. കാജലിനും മറ്റ് താരങ്ങള്ക്കും ആശംസകള്” എന്നാണ് ഗോപിചന്ദ് എക്സില് കുറിച്ചിരിക്കുന്നത്.