മോഹന്ലാല് ചിത്രം മോണ്സ്റ്റര് ഒടിടി പ്രദര്ശനത്തിനെത്തുന്നു. ഡിസംബര് രണ്ടിന് ഡിസ്നി പ്ലസ് ഹോട്ട് സ്റ്റാറിലായിരിക്കും ചിത്രത്തിന്റെ സ്ട്രീമിങ് . തിയേറ്ററിലെത്തി ചിത്രം ഒരു മാസം പിന്നിടുമ്പോഴാണ് ഒടിടി പ്രഖ്യാപനം. ഒക്ടോബര് 21നാണ് ചിത്രം തിയേറ്ററിലെത്തിയത്.
ഉദയകൃഷ്ണയുടെ തിരക്കഥയില് വൈശാഖ് സംവിധാനം ചെയ്യുന്ന മോണ്സ്റ്റര് ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂരാണ് നിര്മ്മിക്കുന്നത്. മഹാവിജയം നേടിയ ‘പുലി മുരുകന്’ ശേഷം വൈശാഖ്-ഉദയകൃഷ്ണ-മോഹന്ലാല് ടീമിന്റെ ചിത്രമാണ് മോണ്സ്റ്റര്. നിരവധി സസ്പെന്സും ദുരൂഹതകളും കോര്ത്തിണക്കിയ ചിത്രം ക്രൈം ത്രില്ലറാണ്. പ്രക്ഷകരില് നിന്നും സമ്മിശ്ര പ്രതികരണമാണ് ചിത്രം നേടിയത്.
ലക്കി സിങ് എന്ന കഥാപാത്രമായാണ് മോഹന്ലാല് ‘മോണ്സ്റ്ററില്’ എത്തുന്നത്. തെലുങ്ക് നടന് മോഹന്ബാബുവിന്റെ മകളും നടിയുമായ ലക്ഷ്മി മഞ്ജുവാണ് നായിക. ലക്ഷ്മിയുടെ ആദ്യ മലയാള സിനിമ കൂടിയാണിത്. സുദേവ് നായര്, സിദ്ദിഖ്, ജോണി ആന്റണി, കൈലാഷ്, ഗണേഷ് കുമാര്, ബിജു പപ്പന്, ഹണി റോസ്, ലക്ഷ്മി മഞ്ജു, ലെന, സ്വാസിക എന്നിവര് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കും.
ഹരി നാരായണന്റെ വരികള്ക്ക് ദീപക് ദേവ് ഈണം പകര്ന്നിരിക്കുന്നു.സതീഷ് ക്കുറുപ്പ് ഛായാഗ്രഹണവും ഷമീര് മുഹമ്മദ് എഡിറ്റിംഗും നിര്വ്വഹിക്കുന്നു. കലാസംവിധാനം-ഷാജി നടുവില്. മേക്കപ്പ്-ജിതേഷ് ചൊയ്യ. വസ്ത്രാലങ്കാരം-സുജിത് സുധാകരന്. ചീഫ് അസോസിയേറ്റ് ഡയറക്ടേര്സ്-രാജേഷ് ആര്.കൃഷ്ണന്,സിറാജുല്ല. ഫിനാന്സ് കണ്ട്രോളര്-മനോഹരന്.കെ.പയ്യന്നൂര്. പ്രൊഡക്ഷന് എക്സിക്യൂട്ടീവ്സ്-നന്ദു പൊതുവാള്, സജി.സി.ജോസഫ്. പ്രൊഡക്ഷന് കണ്ട്രോളര്-സിദ്ദു പനയ്ക്കല്. നിശ്ചല ഛായാഗ്രഹണം-ബെന്നറ്റ്. പി.ആര്.ഒ-വാഴൂര് ജോസ്.