മമ്മൂട്ടിയുടെ വസതിയില് എത്തിയ മോഹന്ലാലിന്റെ ചിത്രങ്ങളാണ് സോഷ്യല് മീഡിയയില് വൈറലാകുന്നത്. ദുല്ഖറിനും അമാലിനും കുഞ്ഞ് മറിയത്തിനുമൊപ്പം നില്ക്കുന്ന മോഹന്ലാലിനെ ചിത്രത്തില് കാണാം. കടവന്ത്രയിലെ മമ്മൂട്ടിയുടെ വീട്ടിലാണ് മോഹന്ലാല് സന്ദര്ശനത്തിന് എത്തിയത്.
ആഴ്ചകള്ക്ക് മുമ്പുള്ള ചിത്രമാണ് മോഹന്ലാലിന്റെ ഫാന്സ് പേജുകളിലൂടെ പുറത്തു വന്നിരിക്കുന്നത്. നേരത്തെ ഇച്ചാക്കയ്ക്കൊപ്പം എന്ന കാപ്ഷനോടെ മമ്മൂട്ടിക്കൊപ്പമുള്ള ചിത്രം മോഹന്ലാല് സോഷ്യല് മീഡിയയില് പങ്കുവെച്ചിരുന്നു. അന്ന് എടുത്തതാണ് ഈ ചിത്രവും.
ഫോട്ടോയ്ക്ക് പോസ് ചെയ്യൂ എന്ന പറയുന്ന പോലെ മുന്നിലേക്ക് ചൂണ്ടിക്കാണിക്കുന്ന മോഹന്ലാലിനെയും കൗതുകത്തോടെ താരത്തെ നോക്കുന്ന മറിയത്തെയും ചിത്രത്തില് കാണാം. നിമിഷങ്ങള്ക്കകം തന്നെ ചിത്രം ആരാധകര് ഏറ്റെടുത്തു കഴിഞ്ഞു.
അതേസമയം, മരക്കാര് അറബിക്കടലിന്റെ സിംഹം, ദൃശ്യം 2 എന്നീ ചിത്രങ്ങളാണ് മോഹന്ലാലിന്റെതായി റിലീസിന് ഒരുങ്ങുന്നത്. ഫെബ്രുവരി 19ന് ആമസോണ് പ്രൈമിലാണ് ചിത്രം റിലീസ് ചെയ്യുന്നത്. ആറാട്ട് താരത്തിന്റെ ഏറ്റവും പുതിയ ചിത്രം. ബി. ഉണ്ണികൃഷ്ണന് ഒരുക്കുന്ന ആറാട്ട് ഓഗസ്റ്റ് 12ന് റിലീസ് ചെയ്യും.