'ഈ മോഹന്‍ലാലിനെ പേടിക്കണം', പ്രതീക്ഷ കാത്തോ 'തുടരും'?; പ്രേക്ഷക പ്രതികരണം

തരുണ്‍ മൂര്‍ത്തിയുടെ സംവിധാനത്തില്‍ എത്തിയ ‘തുടരും’ സിനിമയ്ക്ക് ഗംഭീര പ്രതികരണങ്ങള്‍. സാധാരണക്കാരനായി എത്തിയ മോഹന്‍ലാലിന്റെ കഥാപാത്രത്തെ ഏറ്റെടുത്തിരിക്കുകയാണ് പ്രേക്ഷകര്‍. സിനിമയിലെ ഫ്രെയ്മുകളും ജേക്‌സ് ബിജോയുടെ സംഗീതവും വരെ പ്രേക്ഷകര്‍ ചര്‍ച്ചയാക്കുകയാണ്. തരുണ്‍ മൂര്‍ത്തിയുടെ മേക്കിങ്ങിനും പ്രശംസകളാണ് ലഭിച്ചു കൊണ്ടിരിക്കുന്നത്.

‘മോഹന്‍ലാല്‍ തുടരും…’ Directed By Tharun Moorthy ഇങ്ങനെ എഴുതി കാണിച്ച് ഈ സിനിമ അവസാനിപ്പിക്കുമ്പോള്‍ ഉണ്ടാവുന്ന ഒരു കിക്ക് ഉണ്ട്. തിയേറ്ററില്‍ വീണ കയ്യടി പറയും അത്. മലയാളത്തിന്റെ മോഹന്‍ലാല്‍ അന്യായ പടം. അന്യായ എക്‌സ്പീരിയന്‍സ്. ലാലേട്ടന്‍ ഇത്ര ഗംഭീരം ആയി, ഇത്ര ഈസി ആയി അടുത്ത നാളില്‍ ഒന്നും അഭിനയിച്ച് കണ്ടിട്ടില്ല. കോമഡി, എക്‌സ്പ്രഷന്‍സ്, പിന്നെ അങ്ങനെ എല്ലാം കൊണ്ടും കിടിലന്‍ പ്രകടനം. ശരിക്കും പറഞ്ഞാല്‍ ‘The Way I Want To See My Lalettan’ അതാണ് തരുണ്‍ സെറ്റ് ചെയ്ത് തന്നത്..” എന്നാണ് ഫെയ്‌സ്ബുക്കില്‍ എത്തിയ ഒരു പ്രതികരണം.

”ഹെലികോപ്റ്ററും കോട്ടുമായി വരുന്ന മോഹന്‍ലാലിനെ പേടിക്കണം. മുണ്ടും ഷര്‍ട്ടുമിട്ട് മീശപിരിച്ചുവരുന്ന മോഹന്‍ലാലിനെ അതിലും പേടിക്കണം. എന്നാല്‍ വിദ്യാഭ്യാസം കുറഞ്ഞ ആളായി വരുന്ന ലാലേട്ടനെ ഏറ്റവും പേടിക്കണം. മോഹന്‍ലാലിലെ നടനെ സ്‌നേഹിക്കുന്നവരുടെ.. അയാളിലെ നടന്‍ മറഞ്ഞുപോയി എന്ന് നെടുവീര്‍പ്പിട്ടവരുടെ കണ്ണു നനയും ഈ സിനിമ കാണുമ്പോ.. Jakes Bejoy… എന്റെ പോന്ന് മോനെ.. ഒരു നല്ല music director ക്ക് സിനിമയില്‍ ഉള്ള സ്ഥാനം എന്താണെന്നു നീ കാണിച്ചുതന്നു..” എന്നാണ് മറ്റൊരു പ്രേക്ഷകന്‍ സോഷ്യല്‍ മീഡിയയില്‍ കുറിച്ചിരിക്കുന്നത്.

ഇതിനൊപ്പം ‘എമ്പുരാന്‍’ സിനിമയെയും പൃഥ്വിരാജിനെയും ട്രോളി കൊണ്ടുള്ള കമന്റുകളും എത്തിക്കൊണ്ടിരിക്കുന്നുണ്ട്. ”Prithviraj Sukumaran കണ്ടു പടി.. ഇങ്ങനെയാണ് ലാലേട്ടനെ സ്‌ക്രീനില്‍ കൊണ്ട് വരേണ്ടത്.. Lucifer, Brodaddy ഒക്കെ തന്ന നന്ദി ഉണ്ടെങ്കിലും പറയാതെ വയ്യ..” എന്നാണ് മറ്റൊരു കമന്റ്.

അതേസമയം, ഷണ്‍മുഖന്‍ എന്ന കഥാപാത്രമായിട്ടാണ് ചിത്രത്തില്‍ മോഹന്‍ലാല്‍ വേഷമിട്ടിരിക്കുന്നത്. ഒരു ടാക്‌സി ഡ്രൈവര്‍ കഥാപാത്രമാണ് ചിത്രത്തില്‍ മോഹന്‍ലാലിന്റേത്. ലളിത എന്ന വീട്ടമ്മയായി നായികാ കഥാപാത്രമായി ശോഭന എത്തിയിരിക്കുമ്പോള്‍ ഫര്‍ഹാന്‍ ഫാസില്‍, മണിയന്‍പിള്ള രാജു, ബിനു പപ്പു, ഇര്‍ഷാദ് അലി, ആര്‍ഷ കൃഷ്ണ പ്രഭ, പ്രകാശ് വര്‍മ, അരവിന്ദ് എന്നിവരും കഥാപാത്രങ്ങളായി ഉണ്ട്.

Latest Stories

ത്രിവിക്രമിന്റെ ചിത്രത്തിൽ നിന്ന് അല്ലു അർജുൻ പിന്മാറി; ജൂനിയർ എൻ‌ടി‌ആർ ആ വേഷം ഏറ്റെടുക്കുമോ?

പൗരന്മാരെ ജാതിയുടെയും മതപരവുമായ ദുരിതങ്ങളിലേക്ക് തള്ളിവിടും; ദേശീയതയെ ദുര്‍ബലപ്പെടുത്തും; ജാതി സെന്‍സസ് നടപ്പാക്കരുത്; പ്രധാനമന്ത്രിക്ക് നിവേദനം നല്‍കി എന്‍എസ്എസ്

യുപിഐ ഇടപാടുകൾക്ക് പിഴ; പ്രചരിക്കുന്ന വാർത്ത അടിസ്ഥാനരഹിതമെന്ന് കേന്ദ്രം

ജൂൺ 15 വരെ സംസ്ഥാനത്തുടനീളം ശക്തമായ മഴ; മൂന്ന് ജില്ലകളിൽ ഓറഞ്ച് അലേർട്ട്

'48 മണിക്കൂറിനുള്ളിൽ എണ്ണ ചോർച്ച നീക്കുന്നതിനുള്ള നടപടി തുടങ്ങണം'; അന്ത്യശാസനം നൽകി ഷിപ്പിംഗ് മന്ത്രാലയം, കപ്പൽ കമ്പനിയുടെ വീഴ്ചകൾ എണ്ണിപ്പറഞ്ഞ് നോട്ടീസ്

സ്‌കൂള്‍ സമയമാറ്റം 12 ലക്ഷം വിദ്യാര്‍ത്ഥികളുടെ മദ്രസ മതപഠനത്തെ ബാധിക്കും; തീരുമാനം അപക്വവും, അപ്രായോഗികവും; വിദ്യാഭ്യാസ വകുപ്പിനെതിരെ തുറന്നടിച്ച് സമസ്ത

യുഎസ്-ചൈന വ്യാപാരയുദ്ധം അവസാനത്തിലേക്ക്; ചൈനയുമായി കരാറിലെത്തിയെന്ന് ഡൊണാള്‍ഡ് ട്രംപ്

ഗാസയിലെ ജനങ്ങള്‍ക്ക് വേണ്ടി പോരാടും; ഡൊണാള്‍ഡ് ട്രംപിനെയും ഇലോണ്‍ മസ്‌കിനെയും കൊലപ്പെടുത്താന്‍ ആഹ്വാനം ചെയ്ത് അല്‍ ഖ്വയ്ദ നേതാവ്

ചരക്കുകപ്പലിലെ തീ നിയന്ത്രണവിധേയം; ടഗ് ബോട്ട് ഉപയോഗിച്ച് കപ്പലിനെ പരമാവധി ദൂരത്തേക്ക് മാറ്റാന്‍ ശ്രമം

സമസ്തയില്‍ വിയോജിപ്പ് രേഖപ്പെടുത്താന്‍ ഉള്ള ജനാധിപത്യയിടമുണ്ട്; സമസ്തയെ പുകഴ്ത്തി മുഖ്യമന്ത്രി പിണറായി വിജയന്‍