മോഹന്ലാല്-ജോഷി കോമ്പോ വീണ്ടും. ‘റമ്പാന്’ എന്ന ചിത്രമാണ് പ്രഖ്യാപിച്ചിരിക്കുന്നത്. ചിത്രത്തിന്റെ പൂജ കൊച്ചിയില് നടന്നു. ചിത്രത്തിന്റെ മോഷന് പോസ്റ്റര് പുറത്തുവിട്ടിട്ടുണ്ട്. കയ്യില് ചുറ്റികയും തോക്കുമായി മുണ്ട് മടക്കുക്കുത്തി നില്ക്കുന്ന മോഹന്ലാലിനെയാണ് സിനിമയുടെ മോഷന് പോസ്റ്ററില് കാണാനാകുന്നത്.
മാസ് എന്റര്ടെയ്നറായ സിനിമയില് മീശ പിരിച്ച്, മുണ്ട് മടക്കിക്കുത്തി എത്തുന്ന മോഹന്ലാലിനെ കാണാന് ആകും എന്ന ആകാംക്ഷയിലാണ് ആരാധകര്. ചെമ്പന് വിനോദ് ആണ് ചിത്രത്തിന് തിരക്കഥ ഒരുക്കുന്നത്. സമീര് താഹിര് ഛായാഗ്രഹണം. സംഗീതം വിഷ്ണു വിജയ്.
കോസ്റ്റ്യൂം മാഷര് ഹംസ. മേക്കപ്പ് റോണക്സ് സേവ്യര്. എഡിറ്റിങ് വിവേക് ഹര്ഷന്. 2024ല് സിനിമയുടെ ചിത്രീകരണം ആരംഭിക്കും. 2025 വിഷു റിലീസ് ആയി ചിത്രം തിയേറ്ററുകളിലെത്തും. ഇന്ത്യയിലും വിദേശത്തുമാകും ഈ ബിഗ് ബജറ്റ് സിനിമയുടെ ചിത്രീകരണം നടക്കുക.
ചെമ്പോസ്കി മോഷന് പിക്ചേര്സ്, എയ്ന്സ്റ്റീന് മീഡിയ, നെക്സ്റ്റല് സ്റ്റുഡിയോസ് എന്നിവര് ചേര്ന്നാണ് നിര്മാണം. അങ്കമാലി ഡയറീസ്, ഭീമന്റെ വഴി എന്നീ ചിത്രങ്ങള്ക്കു േശഷം ചെമ്പന് വിനോദ് തിരക്കഥ എഴുതുന്ന സിനിമ കൂടിയാകും ഇത്.
ലൈല ഓ ലൈല എന്ന ചിത്രമാണ് മോഹന്ലാല്-ജോഷി കൂട്ടുകെട്ടില് അവസാനം പുറത്തിറങ്ങിയത്. ഈ കൂട്ടുകെട്ടിലെ 12-മത്തെ ചിത്രമാണ് റമ്പാന്. അതേസമയം, ജോഷിയുടെതായി ‘ആന്റണി’ എന്ന ചിത്രമാണ് റിലീസിനൊരുങ്ങുന്നത്. നവംബര് 23ന് ആണ് ചിത്രം തിയേറ്ററുകളിലെത്തുക.