മോഹന്ലാല് ആദ്യമായി സംവിധാനത്തിലേക്ക് ചുവടുവെക്കുന്ന ചിത്രമാണ് ‘ബറോസ്’. ഗോവയില് ചിത്രീകരണം പുരോഗമിക്കുന്ന സിനിമയുടെ ഒരു ലൊക്കേഷന് വീഡിയോയാണ് ഇപ്പോള് സോഷ്യല്മീഡിയയില് വൈറലാകുന്നത്. ഒരു പള്ളിയുടെ പശ്ചാത്തലത്തിലുള്ള റോഡില് രംഗം ചിത്രീകരിക്കുന്നതാണ് വീഡിയോ.
ഒരു വാഹനത്തിന് മുകളില് ഒരുക്കിയിരിക്കുന്ന മോണിറ്ററിന് സമീപമിരുന്ന് നിര്ദ്ദേശങ്ങള് നല്കുന്ന മോഹന്ലാലിനെ വീഡിയോയില് കാണാം. വീഡിയോ ആരാധകര് ഏറ്റെടുത്തു കഴിഞ്ഞു. ഫേസ്ബുക്ക് മുതലായ സോഷ്യല് മീഡിയ പ്ലാറ്റ്ഫോമുകളിലൂടെ ആരാധകര് വീഡിയോ പങ്കുവെക്കുന്നുണ്ട്.
മൈ ഡിയര് കുട്ടിച്ചാത്തന്’ എന്ന ആദ്യ ഇന്ത്യന് 3 ഡി ചിത്രത്തിന്റെ സംവിധായാകാനായ ജിജോയുടെ കഥയില് ഒരുങ്ങുന്ന ചിത്രമാണ് ‘ബറോസ്’. ചിത്രത്തിലെ ടൈറ്റില് കഥാപാത്രമായ ബറോസിനെ അവതരിപ്പിക്കുന്നത് മോഹന്ലാല് ആണ്. വ്യത്യസ്തമായ ഗെറ്റപ്പില് തല മൊട്ടയടിച്ച് താടി വളര്ത്തി വേറിട്ട ശൈലിയിലാണ് മോഹന്ലാല് എത്തുന്നത്.