നീണ്ട 12 വര്ഷത്തെ ഇടവേളയ്ക്കു ശേഷം ഷാജി കൈലാസും മോഹൻലാലും ഒന്നിക്കുന്ന ചിത്രമാണ് എലോൺ. പ്രഖ്യാപന സമയം മുതൽ പ്രേക്ഷകർ കാത്തിരിക്കുന്ന ചിത്രം ആശീർവാദ് സിനിമാസിന്റെ ബാനറില് ആന്റണി പെരുമ്പാവൂര് നിർമിക്കുന്നുന്നത്. ഇപ്പോഴിതാ ഓണാശംസകൾ അറിയിച്ച് കൊണ്ട് പുറത്തുവിട്ട ചിത്രത്തിന്റെ പുതിയ പോസ്റ്ററാണ് പ്രേക്ഷക ശ്രദ്ധനേടുന്നത്.
ഇരുൾ വീണ ഇടനാഴിയിൽ മോഹൻലാൽ കഥാപാത്രം നിൽക്കുന്നതാണ് പോസ്റ്റർ ലുക്ക്. മോഹൻലാൽ ആണ് പോസ്റ്റർ സോഷ്യൽ മീഡിയയിലൂടെ പങ്കുവച്ചിരിക്കുന്നത്. നിരവധി പേരാണ് ആശംസകൾക്കൊപ്പം പോസ്റ്റർ ഷെയർ ചെയ്തിത് രംഘത്തെത്തിയിരിക്കുന്നത്.
അതേസമയം, ചിത്രം തിയേറ്ററിൽ റിലീസ് ചെയ്യാൻ സാധിക്കില്ലെന്ന് ഷാജി കൈലാസ് അടുത്തിടെ പറഞ്ഞിരുന്നു. എലോണിൽ ഫ്രെയിം ടു ഫ്രെയിം മോഹൻലാൽ മാത്രമാണ്. ഒരു ഫ്ലാറ്റിനുള്ളിൽ മാത്രമായി ചിത്രീകരിച്ച സിനിമ തിയേറ്ററിൽ എത്തിക്കാൻ പറ്റില്ലെന്നും വന്നാൽ ലാഗ് ആണെന്ന് ജനങ്ങൾ പറയുമെന്നും അദ്ദേഹം പറഞ്ഞിരുന്നു.
രാജേഷ് ജയരാമനാണ് ചിത്രത്തിന് തിരക്കഥ ഒരുക്കുന്നത്. ഛായാഗ്രഹണം അഭിനന്ദന് രാമാനുജം, എഡിറ്റിംഗ് ഡോണ് മാക്സ്, പ്രൊഡക്ഷന് ഡിസൈനര് സന്തോഷ് രാമന്, സംഗീതം ജേക്സ് ബിജോയ്, ചീഫ് പ്രൊഡക്ഷന് കണ്ട്രോളര് സിദ്ധു പനയ്ക്കല്, മേക്കപ്പ് ലിജു പനംകോഡ്, ബിജീഷ് ബാലകൃഷ്ണന്, വസ്ത്രാലങ്കാരം മുരളി, ചീഫ് അസോസിയേറ്റ് ഡയറക്ടര് മനീഷ് ഭാര്ഗവന്, സ്റ്റില്സ് അനീഷ് ഉപാസന എന്നിവരാണ് അണിയറ പ്രവർത്തകർ