സിദ്ദിഖിന്റെ വിയോഗം വിശ്വസിക്കാന് കഴിയുന്നില്ലെന്ന് നടന് മോഹന്ലാല്. അദ്ദേഹം അസിസ്റ്റന്റ് ഡയറക്ടറായി പ്രവര്ത്തിച്ച ആദ്യചിത്രം നോക്കെത്താ ദൂരത്ത് കണ്ണുംനട്ട് മുതല് അവസാനചിത്രമായ ബിഗ്ബ്രദറില് വരെ അഭിനയിക്കാന് എനിക്ക് ഭാഗ്യം ലഭിച്ചു. സിനിമയിലും ജീവിതത്തിലും അക്ഷരാര്ഥത്തില് എനിക്ക് ഒരു ബിഗ്ബ്രദര് തന്നെയായിരുന്നു സിദ്ദിഖ് എന്ന് അദേഹം ഫേസ്ബുക്കില് കുറിച്ചു.
ഫേസ്ബുക്ക് പോസ്റ്റിന്റെ പൂര്ണരൂപം:
എന്റെ പ്രിയപ്പെട്ട സിദ്ദിഖിന്റെ വിയോഗം വിശ്വസിക്കാന് കഴിയുന്നില്ല. കഥകളെ സ്വാഭാവിക നര്മ്മത്തിലൂടെയും സാധാരണക്കാരന്റെ ജീവിത സമസ്യകളിലൂടെയും ആവിഷ്കരിച്ച്, ലോകമെമ്പാടുമുള്ള മലയാളികള്ക്ക് പ്രിയപ്പെട്ടവനായി തീര്ന്ന സിദ്ദിഖ്, അകാലത്തില് നമ്മെ വിട്ടുപിരിഞ്ഞതിലുള്ള വിഷമം പറഞ്ഞറിയിക്കാന് വയ്യ.
വിഷയങ്ങളിലെ വൈവിദ്ധ്യവും സംവിധാനത്തിലെ ആകര്ഷണീയതയും കാരണം സിദ്ദിഖിന്റെ ഓരോ സിനിമയ്ക്കും വേണ്ടി പ്രേക്ഷകലക്ഷങ്ങള് കാത്തിരുന്നു. സിദ്ദിഖ് നമ്മളെ ഒരുപാട് ചിരിപ്പിച്ചു, കണ്ണ് നനയിപ്പിച്ചു, പ്രതീക്ഷകള് നഷ്ടപ്പെടുത്തരുതെന്ന് ഓര്മ്മിപ്പിച്ചു, ഉയരങ്ങളില് എത്തിപ്പെടാന് സ്വന്തം ജീവിതത്തിലൂടെ മാതൃക കാണിച്ചു. വാക്കുകളിലും പെരുമാറ്റത്തിലും സൗമ്യത പുലര്ത്തി, ആരോടും ശത്രുത കാണിക്കാതെ, ആഡംബരങ്ങളില് നിന്ന് ഒഴിഞ്ഞുമാറി ഒരു സാധാരണ മനുഷ്യനായി സിദ്ദിഖ് ജീവിച്ചു.
അദ്ദേഹം അസിസ്റ്റന്റ് ഡയറക്ടറായി പ്രവര്ത്തിച്ച ആദ്യചിത്രം നോക്കെത്താ ദൂരത്ത് കണ്ണുംനട്ട് മുതല് അവസാനചിത്രമായ ബിഗ്ബ്രദറില് വരെ അഭിനയിക്കാന് എനിക്ക് ഭാഗ്യം ലഭിച്ചു. സിനിമയിലും ജീവിതത്തിലും അക്ഷരാര്ഥത്തില് എനിക്ക് ഒരു ബിഗ്ബ്രദര് തന്നെയായിരുന്നു സിദ്ദിഖ്. വേദനയോടെ ആദരാഞ്ജലികള്.