വിജയ് ചിത്രം “ബിഗിലി”നെതിരെ ഇറച്ചിക്കച്ചവടക്കാരുടെ സംഘടന. ബിഗിന്റെ പോസ്റ്റര് തങ്ങളെ അപമാനിക്കുന്ന തരത്തിലാണെന്ന് ആരോപിച്ചാണ് ഇറച്ചിക്കച്ചവടക്കാരുടെ സംഘടന രംഗത്തെത്തിയിരിക്കുന്നത്. കോയമ്പത്തൂരിലെ ഇറച്ചി വില്പ്പനക്കാരനായ ഗോപാല് കഴിഞ്ഞ ദിവസം ഉക്കടം പൊലീസ് സ്റ്റേഷനിലെത്തി ബിഗിലിന്റെ പോസ്റ്റര് വലിച്ച് കീറി.
ഇറച്ചിവെട്ടുന്ന കത്തി വച്ച സ്ലാബിന് മുകളില് കാല് കയറ്റി വച്ചിരിക്കുന്ന വിജയ്യുടെ പോസ്റ്ററിനെതിരെയാണ് പരാതി. ഈ പോസ്റ്റര് തങ്ങളെ മോശമായി ചിത്രീകരിക്കുന്ന തരത്തിലുള്ളതാണെന്നും പോസ്റ്ററിനെതിരെ നടപടി എടുക്കാനും, ഈ രംഗം ചിത്രത്തില് നിന്നും മാറ്റാനും ഗോപാല് കലക്ടറോട് ആവശ്യപ്പെട്ടു.
“തെറി”ക്കും “മെര്സലി”ലും ശേഷം വിജയ്യും അറ്റ്ലിയും ഒന്നിക്കുന്ന ചിത്രമാണ് ബിഗില്. നയന്താര നായികയായി എത്തുന്ന ചിത്രം ഒക്ടോബര് 27ന് ദീപാവലി റിലീസായാണ് എത്തുന്നത്. യോഗി ബാബു, ജാക്കി ഷ്രോഫ് എന്നിവരും ചിത്രത്തില് പ്രധാന വേഷത്തിലെത്തുന്നുണ്ട്.