വിജയ്യും വിജയ് സേതുപതിയും കേന്ദ്ര കഥാപാത്രങ്ങളായി എത്തുന്ന “മാസ്റ്റര്”ന്റെ പുതിയ ലുക്ക് പോസ്റ്റര് പുറത്ത്. ആരാധകര്ക്ക് ഏറെ പ്രതീക്ഷ നല്കുന്ന തരത്തിലാണ് പോസ്റ്റര് ഒരുക്കിയിരിക്കുന്നത്. “കൈദി” സിനിമയുടെ സംവിധായകന് ലോകേഷ് കനകരാജ് സംവിധാനം ചെയ്യുന്ന ചിത്രം മുമ്പുള്ള വിജയ് ചിത്രങ്ങളില് നിന്നും ഏറെ വ്യത്യസ്തമായിരിക്കും.
വിജയ് സേതുപതി വില്ലനായി എത്തുന്ന ചിത്രത്തില് മാളവിക മോഹനന്, ആന്ഡ്രിയ, ശന്തനു ഭാഗ്യരാജ്, അര്ജുന് ദാസ്, ശ്രിനാഥ്, സഞ്ജീവ് ഗൗരി കൃഷ്ണന്, വിജെ രമ്യ എന്നിവരാണ് മറ്റ് പ്രധാന താരങ്ങള്. അനിരുദ്ധ് രവിചന്ദര് സംഗീതമൊരുക്കുന്ന ചിത്രത്തിന് ഛായാഗ്രഹണം നിര്വ്വഹിക്കുന്നത് സത്യന് സൂര്യനാണ്. ഡല്ഹി, കര്ണാടക, ചെന്നൈ എന്നിവിടങ്ങളാണ് ഷൂട്ടിംഗ് ലൊക്കേഷനുകള്.
വിദ്യാഭ്യസ രംഗത്തെ അഴിമതിയെ ആസ്പദമാക്കിയാണ് ചിത്രം ഒരുക്കുന്നുതെന്നും, ചിത്രത്തില് ഒരു പ്രൊഫസറുടെ വേഷത്തിലാകും വിജയ് എത്തുന്നതെന്നുമാണ് റിപ്പോര്ട്ടുകള്.