ലിജോ ജോസ് പെല്ലിശ്ശേരി – മോഹന്ലാല് ചിത്രം ‘മലൈക്കോട്ടൈ വാലിബന്’ രാജസ്ഥാനിലെ ഷെഡ്യൂള് പൂര്ത്തിയാക്കി. 77 ദിവസം നീണ്ട ചിത്രീകരണം ആയിരുന്നു രാജസ്ഥാനില് ഉണ്ടായിരുന്നത്. ഇതോടെ ചിത്രത്തിന്റെ രണ്ട് ഘട്ടങ്ങള് പൂര്ത്തിയായിക്കഴിഞ്ഞു.
മെയ് മാസമാണ് മൂന്നാം ഘട്ട ചിത്രീകരണം ആരംഭിക്കുക. അവസാന ഷെഡ്യൂള് ആയിരിക്കും ഇത്. രാജസ്ഥാനില് നിന്ന് തിരിക്കുന്ന മോഹന്ലാല് അവധിക്കാലം ആഘോഷിക്കുകയാകും ഈ മാസം. മെയ് അവസാനത്തോടെ വാലിബന് പൂര്ത്തിയാക്കാനാണ് അണിയറപ്രവര്ത്തകരുടെ പദ്ധതി. സാധ്യമായില്ലെങ്കില് ജൂണ് മാസം വരെ നീളും. ശേഷം 4-5 മാസത്തെ പോസ്റ്റ്-പ്രൊഡക്ഷന് ജോലികള് ആകും ചിത്രത്തിന് ഉണ്ടാകുക.
പ്രായമായ ബോക്സിംഗ് ചാമ്പ്യനായാണ് മോഹന്ലാല് അഭിനയിക്കുന്നത്. ആദ്യ ഗെറ്റപ്പില് നീണ്ട താടിയുണ്ടാകും. രണ്ടാം ഗെറ്റപ്പില് താടിയുണ്ടാകില്ല. ഇതിനായി മോഹന്ലാല് ഭാരം കുറയ്ക്കാനുള്ള തയ്യാറെടുപ്പുകളിലാണ് എന്നും റിപ്പോര്ട്ടുണ്ട്. വാര്ത്ത ശരിയെങ്കില് അഞ്ച് വര്ഷത്തിന് ശേഷമാണ് നടന് താടി വടിക്കുന്നത്.