മോഹന്ലാല്-പൃഥ്വിരാജ് കൂട്ടുകെട്ടില് പുറത്തിറങ്ങിയ സൂപ്പര്ഹിറ്റ് ചിത്രം ലൂസിഫറിന് രണ്ടാം ഭാഗം വരുമെന്ന് ഊഹാപോഹങ്ങളുണ്ടായിരുന്നു. ഇപ്പോഴിതാ സിനിമയുടെ അവസാന ക്യാരക്ടര് പോസ്റ്റര് റിലീസ് ചെയ്തതോടെ ഈ സന്ദേഹങ്ങള്ക്ക് ആക്കം കൂടിയിരിക്കുകയാണ്.
മോഹന്ലാല് അവതരിപ്പിക്കുന്ന ഖുറേഷി അബ്റാം എന്ന അധോലോക നായകന്റെ ഫസ്റ്റ്ലുക്ക് ആണ് പൃഥ്വിരാജ് അവസാനപോസ്റ്ററിലൂടെ അവതരിപ്പിച്ചിരിക്കുന്നത്. അവസാനം…ആരംഭത്തിന്റെ തുടക്കം എന്ന അടിക്കുറിപ്പും. നേരത്ത സിനിമയുടേതായി 30 ക്യാരക്ടര് പോസ്റ്ററുകള് പുറത്തിറക്കിയിരുന്നു.
ഖുറേഷി അബ്റാമിന്റെ പോസ്റ്ററിനു താഴെ നിറയുന്ന കമന്റുകളില് നിന്ന് ലൂസിഫര് 2 ഉണ്ടെന്ന ഉറച്ച വിശ്വാസത്തിലാണ് ആരാധകരെന്ന് കാണാം.. പൃഥ്വിരാജും കഴിഞ്ഞ ദിവസങ്ങളിലായി ഇതുസംബന്ധിച്ച ചില സൂചനകള് സോഷ്യല് മീഡിയയിലൂടെ പുറത്തുവിട്ടിരുന്നു.