പൃഥ്വിരാജിന് പിറന്നാള് ആശംസകളുമായി സിനിമാലോകം. മോഹന്ലാല്, മമ്മൂട്ടി, സുരേഷ് ഗോപി, ലിസ്റ്റിന് സ്റ്റീഫന്, ദുല്ഖര് സല്മാന്, ജയസൂര്യ തുടങ്ങിയവരൊക്കെ സോഷ്യല് മീഡിയയിലൂടെ തങ്ങളുടെ പ്രിയ സഹപ്രവര്ത്തകന് ആശംസകള് അറിയിച്ചിട്ടുണ്ട്.
”ആഹാ…. എന്തൊരു ചിരി.. ഇത്രേം ചിരി വേണമായിരുന്നോ… വയസ്സ് പുറത്തറിയിക്കാതെ ബര്ത്ത്ഡേ ആഘോഷിക്കുന്ന പ്രിഥ്വിരാജിന്… രാജുവിന് എന്റെയും എന്റെ കുടുംബത്തിന്റെയും പേരിലുള്ള ഒരായിരം ജന്മദിനാശംസകള് നേരുന്നു” എന്നാണ് ലിസ്റ്റിന് സ്റ്റീഫന് നടനൊപ്പമുള്ള ചിത്രം പങ്കുവച്ച് ഫെയ്സ്ബുക്കില് കുറിച്ചിരിക്കുന്നത്.
20 വര്ഷങ്ങള്ക്ക് മുമ്പ് എത്തിയ രാജസേനന് ചിത്രം ‘നക്ഷത്രക്കണ്ണുള്ള രാജകുമാരന് അവനുണ്ടൊരു രാജകുമാരി’ എന്ന ചിത്രത്തിലൂടെയാണ് സിനിമയിലേക്ക് എത്തിയത്. ‘നന്ദനം’ ആണ് പൃഥ്വിരാജിന്റെതായി ആദ്യം തിയേറ്ററില് എത്തിയത്. അഭിനയജീവിതത്തില് രണ്ട് പതിറ്റാണ്ട് പൂര്ത്തിയാക്കും മുമ്പേ സംവിധായകന് ആവുക എന്ന സ്വപ്നവും പൃഥ്വി പൂര്ത്തിയാക്കിയിട്ടുണ്ട്.
നിരവധി ചിത്രങ്ങളാണ് താരത്തിന്റെതായി ഒരുങ്ങിക്കൊണ്ടിരിക്കുന്നത്. ‘ഗോള്ഡ്’, ‘കാപ്പ’, ‘ആടുജീവിതം’, ‘കാളിയന്’, ‘വിലയത്ത് ബുദ്ധ’, ‘കറാച്ചി 31’, ‘സലാര്’, ‘എമ്പുരാന്’, ‘ടൈസണ്’ എന്നിങ്ങനെ നിരവധി സിനിമകളാണ് താരത്തിന്റെതായി ഒരുങ്ങുന്നത്. എമ്പുരാനും ടൈസണും താരം സംവിധാനം ചെയ്യുന്ന സിനിമകളാണ്.