ഭാര്യ പ്രിയയ്ക്ക് ജന്മദിന ആശംസകള്‍ നേര്‍ന്ന് നടന്‍ കുഞ്ചാക്കോ ബോബന്‍. മനോഹരമായ ഒരു കുറിപ്പ് പങ്കുവെച്ചാണ് പ്രിയയ്ക്ക് കുഞ്ചാക്കോ പിറന്നാള്‍ ആശംസകള്‍ നേര്‍ന്നത്. “നീയെന്റെ ബെറ്റര്‍ ഹാഫ് അല്ല, ബെസ്റ്റ് ഹാഫ് ആണ്” എന്നാണ് കുഞ്ചാക്കോ കുറിപ്പില്‍ പറയുന്നത്.
“ഇന്നാണ് നിന്റെ ജീവിതത്തിലെ ഏറ്റവും പ്രിയപ്പെട്ട ജന്മദിനം. നിന്റെ കൈയ്യില്‍ ഉള്ളത് ഏറ്റവും വിലപിടിപ്പുള്ള ഒരു സമ്മാനവും. ഇസഹാക്ക്! പക്ഷേ എനിക്ക് നിന്നോട് പറയാനുണ്ട്. നീയെന്റെ ബെറ്റര്‍ ഹാഫ് അല്ല, ബെസ്റ്റ് ഹാഫ് ആണ്.” കുഞ്ചാക്കോ ആശംസകള്‍ നേര്‍ന്ന് ഇന്‍സ്റ്റഗ്രാമില്‍ കുറിച്ചു.
https://www.instagram.com/p/B-ziNzGlGbe/?utm_source=ig_web_copy_link
2005 ഏപ്രില്‍ 2നാണ് പ്രിയ ആന്‍ സാമുവല്‍ എന്ന തന്റെ ആരാധികയെ കുഞ്ചാക്കോ ബോബന്‍ വിവാഹം ചെയ്യുന്നത്. 2019 ഏപ്രില്‍ 16നാണ് നീണ്ട കാത്തിരിപ്പിന് ശേഷം അവരുടെ ജീവിതത്തിലേക്ക് കാത്തിരിപ്പിന് വിരാമമിട്ട് കുഞ്ഞ് ഇസ എത്തിയത്. അടുത്തിടെ ഇരുവരുടെ പതിനഞ്ചാം വിവാഹവാര്‍ഷികമായിരുന്നു.