‘സലാര്’ പ്രഖ്യാപിച്ചത് മുതല് തന്നെ ചര്ച്ചകളില് ഉയര്ന്ന പേരാണ് യാഷിന്റെത്. തന്റെ സൂപ്പര് ഹിറ്റ് സിനിമകളിലെ നായകനായ യാഷിന് പ്രശാന്ത് നീല് സലാറില് കാമിയോ റോളില് എത്തിക്കും എന്ന തരത്തിലുള്ള വാര്ത്തകളായിരുന്നു പ്രചരിച്ചത്. എന്നാല് യാഷ് ചിത്രത്തിലുണ്ടാവില്ല എന്ന് പ്രശാന്ത് നീലും നിര്മ്മാതാക്കളും വ്യക്തമാക്കിയിരുന്നു.
എന്നാല് സലാര് തിയേറ്ററില് എത്തിയ സര്പ്രൈസ് ആയി യാഷും എത്തി. സിനിമയില് അല്ല ഇന്റര്വെല് വേളയില് യാഷിന്റെ ‘ടോക്സിക്’ എന്ന പുതിയ ചിത്രത്തിന്റെ മോഷന് പോസ്റ്റര് ആണ് എത്തിയത്. യാഷ് ചിത്രത്തില് ഇല്ലെങ്കിലും ഈ ഫസ്റ്റ് ലുക്ക് കൈയ്യടികളോടെ ആരാധകര് ഏറ്റെടുക്കുയും ചെയ്തു.
ഇതിന്റെ വീഡിയോ സോഷ്യല് മീഡിയയില് ട്രെന്ഡിംഗ് ആവുന്നുമുണ്ട്. യാഷിനെ നായകനാക്കി ഗീതു മോഹന്ദാസ് സംവിധാനം ചെയ്യുന്ന ചിത്രമാണ് ടോക്സിക്. അതേസമയം, സലാറിന് ഗംഭീര പ്രതികരണങ്ങളാണ് തിയേറ്ററില് നിന്നും ലഭിച്ചു കൊണ്ടിരിക്കുന്നത്.
പ്രഭാസ്-പൃഥ്വിരാജ് കോമ്പോ ഗംഭീരമായിരുന്നെന്നും പ്രശാന്ത് നീല് ഒരിക്കല് കൂടി അത്ഭുതപ്പെടുത്തിയെന്നുമാണ് പ്രേക്ഷകര് പറയുന്നത്. കൂടാതെ പ്രഭാസിന് വലിയൊരു തിരിച്ചു വരവാണ് സലാര് എന്നും പ്രേക്ഷകര് വ്യക്തമാക്കി. രണ്ടാം ഭാഗത്തിനായി കാത്തിരിക്കുന്നുവെന്നും സിനിമ കണ്ടിറങ്ങിയ പ്രേക്ഷകര് സോഷ്യല് മീഡിയയില് കുറിച്ചു.