മഹേഷ് ബാബു ചിത്രം സര്ക്കാരു വാരി പാട്ട കഴിഞ്ഞ മാസമാണ് റിലീസ് ചെയ്തത്. മെയ് പന്ത്രണ്ടിന് എത്തിയ ഈ ചിത്രത്തിന് മികച്ച ബോക്സ് ഓഫിസ് പ്രകടനം നടത്താന് ചിത്രത്തിന് സാധിച്ചെന്നാണ് ട്രേഡ് അനലിസ്റ്റുകള് റിപ്പോര്ട്ട് ചെയ്തത്. ഇപ്പോഴിതാ ചിത്രത്തിലെ കീര്ത്തി സുരേഷിന്റെ ഗ്ലാമറസ് നൃത്ത വീഡിയോ പുറത്തുവന്നിരിക്കുകയാണ്.
മുരാരി വാ എന്ന വരികളോടെ തുടങ്ങുന്ന ഈ ഗാനം രചിച്ചത് അനന്ത് ശ്രീറാം, ഈ ഗാനമാലപിച്ചതു ശ്രുതി രഞ്ജനി, എം എല് ഗായത്രി, ശ്രീ കൃഷ്ണ എന്നിവര് ചേര്ന്നാണ്. സൂപ്പര് ഹിറ്റ് ഗാനങ്ങളുടെ അമരക്കാരനായ തമന് എസ് ആണ് ഈ ചിത്രത്തിന് വേണ്ടി സംഗീത സംവിധാനം നിര്വഹിച്ചിരിക്കുന്നത്.
മറ്റു മൂന്നു ഗാനങ്ങള് നേരത്തെ പുറത്തു വരികയും സൂപ്പര് ഹിറ്റാവുകയും ചെയ്തിരുന്നു. കലാവതി എന്ന് തുടങ്ങുന്ന ഗാനം സോഷ്യല് മീഡിയയില് വൈറലായി മാറിയപ്പോള്, മ മ മഹേശാ എന്ന അടിപൊളി ഗാനം യുവാക്കള്ക്കിടയില് ട്രെന്ഡായി മാറി. ഈ ചിത്രത്തിലെ ഒരു റാപ് സോങ്ങും ശ്രദ്ധ നേടിയിരുന്നു.
പ്രശസ്ത സംവിധായകന് പരശുറാം പെട്ല കഥയെഴുതി സംവിധാനം ചെയ്തിരിക്കുന്ന ഈ ചിത്രം മൈത്രി മൂവി മേക്കേഴ്സ്, ജി.എം.ബി എന്റര്ടൈന്മെന്റ്, 14 റീല്സ് പ്ലസ് എന്നിവയുടെ ബാനറില് നവീന് യെര്നേനി, വൈ. രവിശങ്കര്, രാം അജന്ത, ഗോപിചന്ദ് അജന്ത എന്നിവര് ചേര്ന്നാണ് നിര്മ്മിച്ചിരിക്കുന്നത്.