കമല്ഹാസന്, ഫഹദ് ഫാസില്, വിജയ് സേതുപതി എന്നിവരെ കേന്ദ്ര കഥാപാത്രങ്ങളാക്കി ലോകേഷ് കനകരാജ് ഒരുക്കുന്ന വിക്രം ചിത്രത്തിന്റെ റിലീസ് തിയതിയും മേക്കിംഗ് വീഡിയോയും പുറത്ത്. ജൂണ് 3ന് ചിത്രം തിയേറ്ററുകളിലെത്തും. കമല്ഹാസന് ആണ് ഇക്കാര്യം സോഷ്യല് മീഡിയയിലൂടെ പങ്കുവച്ചത്.
വിക്രത്തിന്റെ റിലീസിനായി ആകാംക്ഷയോടെ കാത്തിരിക്കുകയാണെന്ന് അദ്ദേഹം ട്വീറ്റ് ചെയ്തു. മാസ്റ്റര് എന്ന ചിത്രത്തിന് ശേഷം ലോകേഷ് കനകരാജ് ഒരുക്കുന്ന സിനിമയാണ് വിക്രം. കമലിനൊപ്പം സേതുപതിയും ഫഹദും ചിത്രത്തില് എത്തുന്നു എന്നതാണ് പ്രേക്ഷകരുടെ പ്രതീക്ഷ വര്ധിപ്പിക്കുന്നത്.
രത്നകുമാറും ലോകേഷ് കനകരാജും ചേര്ന്നാണ് ചിത്രത്തിന്റെ തിരക്കഥയൊരുക്കിയത്. രാജ്കമല് ഫിലിംസ് ഇന്റര്നാഷണലിന്റെ ബാനറില് കമല്ഹാസന് തന്നെയാണ് നിര്മാണം. നരേന്, അര്ജുന് ദാസ്, കാളിദാസ് ജയറാം തുടങ്ങിയവരും ചിത്രത്തില് മുഖ്യ കഥാപാത്രങ്ങളായെത്തും.
അനിരുദ്ധാണ് സംഗീത സംവിധാനം. ഗിരീഷ് ഗംഗാധരന് ഛായാഗ്രഹണം നിര്വ്വഹിക്കുന്നു. വിക്രം ഒരു ഗ്യാംഗ്സ്റ്റര് സിനിമയാണ് എന്നാണ് സൂചനകള്. അന്പ് അറിവാണ് ചിത്ത്രിലെ സംഘട്ടന രംഗങ്ങള് ഒരുക്കിയിരിക്കുന്നത്.