ജയറാമിന്റെ വമ്പന് തിരിച്ചു വരവും മെഗാസ്റ്റാറിന്റെ മെഗാ എന്ട്രിയും ആഘോഷമാക്കി മലയാളി പ്രേക്ഷകര്. മികച്ച പ്രതികരണം നേടിയ ‘എബ്രഹാം ഓസ്ലര്’ ചിത്രത്തിന്റെ ഓപ്പണിംഗ് ഡേ കളക്ഷന് ആണ് ഇപ്പോള് ചര്ച്ചകളില് നിറയുന്നത്. 2.85 കോടി രൂപ കളക്ഷന് ആണ് ചിത്രം ആദ്യ ദിനം നേടിയത് എന്നാണ് ചില റിപ്പോര്ട്ടുകള്.
എന്നാല് ആഗോളതലത്തില് 5 കോടി നേടിയെന്നും 3 കോടി നേടിയെന്നും ചില ബോക്സ് ഓഫീസ് ട്രാക്കര്മാര് അറിയിക്കുന്നുണ്ട്. അതുകൊണ്ട് തന്നെ ഈ വര്ഷത്തെ ആദ്യ ഹിറ്റ് ചിത്രമാവുകയാണ് ഓസ്ലര്. റിലീസ് ദിനമായ ഇന്നലെ കേരളത്തില് 150ല് അധികം എക്സ്ട്രാ ഷോകളാണ് പ്രദര്ശിപ്പിച്ചത്. സിനിമയുടെ അണിയറപ്രവര്ത്തകര് തന്നെയാണ് ഇക്കാര്യം അറിയിച്ചത്.
കഴിഞ്ഞ മാസം റിലീസ് ചെയ്ത മോഹന്ലാല് ചിത്രം നേരിന്റെ ആദ്യ ദിന അഡീഷണല് ഷോകളുടെ എണ്ണത്തെ ഓസ്ലര് മറികടന്നു. 130ല് അധികം എക്സ്ട്രാ ഷോകളായിരുന്നു റിലീസ് ദിനത്തില് നേരിന് ഉണ്ടായിരുന്നത്. ഹൗസ് ഫുള്ളായി പ്രദര്ശനം ആരംഭിച്ചിരിക്കുന്ന ചിത്രം 2024-ലെ ആദ്യ വലിയ റിലീസാണ്.
2020ലെ വിജയ ചിത്രം ‘അഞ്ചാം പാതിരാ’യ്ക്ക് ശേഷം മിഥുന് മാനുവല് തോമസ് സംവിധാനം ചെയ്ത ചിത്രമാണിത്. അബ്രഹാം ഓസ്ലര് എന്ന പൊലീസ് ഉദ്യോഗസ്ഥനായാണ് ജയറാം ചിത്രത്തിലെത്തുന്നത്. ഡോ രണ്ധീര് കൃഷ്ണന് ആണ് ഓസ്ലറിന്റെ രചന നിര്വ്വഹിച്ചിരിക്കുന്നത്.
തേനി ഈശ്വര് ആണ് ഛായാഗ്രഹണം. സംഗീതം മിഥുന് മുകുന്ദന്. അര്ജുന് അശോകന്, ജഗദീഷ്, ദിലീഷ് പോത്തന്, അനശ്വര രാജന്, ദര്ശനാ നായര്, സെന്തില് കൃഷ്ണ, അര്ജുന് നന്ദകുമാര്, അസീം ജമാല്, ആര്യ സലിം തുടങ്ങിയവരാണ് ചിത്രത്തിലെ മറ്റുതാരങ്ങള്.