രജനികാന്തിന്റെ കരിയറിലെ ഏറ്റവും വലിയ ബോക്സോഫീസ് വിജയമായി മാറാന് പോവുകയാണ് ജയിലര്. മൂന്ന് ദിവസം കൊണ്ട് ചിത്രം 200 കോടി രൂപയാണ് ചിത്രത്തിന്റെ ആഗോള കളക്ഷന്. ചിത്രത്തില് ഗംഭീര പ്രകടനമായിരുന്നു രജനികാന്തിന്റെത്. രജനിക്കൊപ്പം മോഹന്ലാലും ശിവരാജ് കുമാറും വിനായകനുമെല്ലാം ചര്ച്ചകളില് നിറയുണ്ട്.
അതിനൊപ്പം തന്നെ തെലുങ്ക് താരം സുനിലിന്റെ കഥാപാത്രവും ചര്ച്ചകളില് നിറയുന്നുണ്ട്. ബ്ലാസ്റ്റ് മോഹന് എന്ന തെലുങ്ക് സിനിമ താരമായി എത്തുന്ന സുനിലിന്റെ ക്യാരക്ടര് പൊട്ടിച്ചിരിപ്പിക്കുന്നതാണ്. ജയിലറില് രജനികാന്തിന്റെ മുത്തുവേല് പാണ്ഡ്യന് ഒരു പ്രധാന ദൗത്യത്തിന് ഉപയോഗപ്പെടുത്തേണ്ട തെലുങ്ക് സിനിമ താരമാണ് ബ്ലാസ്റ്റ് മോഹന്.
ബ്ലാസ്റ്റ് മോഹന്റെ ക്യാരക്ടര് കണ്ടതോടെ സംശയത്തിലാണ് തെലുങ്ക് പ്രേക്ഷകര് ഇപ്പോള്. ഇത് തങ്ങളുടെ ഏതെങ്കിലും താരത്തെ കളിയാക്കിയതാണോ എന്നതാണ് സംശയം. സോഷ്യല് മീഡിയയില് ഈ ചോദ്യം വൈറലാകുന്നുണ്ട്. നന്ദമൂരി ബാലകൃഷ്ണയെ ട്രോളിയതാണോ എന്നാണ് പലരുടെയും സംശയം.
പ്രത്യേകിച്ച് ചിത്രത്തില് ചില ഗാനരംഗങ്ങളും, കുടുംബ പാശ്ചത്തലമൊക്കെ വിവരിക്കുന്നത് വച്ചാണ് ഇത് പറയുന്നത്. അതേസമയം, ചെറുപ്പക്കാരികളായ നായികമാരെ ചിത്രത്തില് അഭിനയിപ്പിക്കുന്നു എന്നതിനാല് ചിരഞ്ജീവിയുടെ പേരും ഉയര്ന്നു വരുന്നുണ്ട്.
ഈ രണ്ട് താരങ്ങളില് ആരെ ആയിരിക്കും നെല്സണ് ട്രോളിയിരിക്കുന്നത് എന്ന ചോദ്യമാണ് വൈറലായി കൊണ്ടിരിക്കുന്നത്. അതേസമം, താന് ഈ റോള് കോമഡിയായി ചെയ്തതല്ലെന്നും വളരെ ഗൗരവത്തോടെ ചെയ്തതാണ് എന്ന് നടന് സുനില് വ്യക്തമാക്കിയിരുന്നു.