തന്റെ സിനിമകളെ വിമര്‍ശിക്കുന്നവര്‍ക്ക് മറുപടിയുമായി സംവിധായകന്‍ ഒമര്‍ ലുലു. മമ്മൂട്ടിയുടെ ഡേറ്റ് കിട്ടിയിട്ടും രണ്ട് ഫ്‌ളോപ്പുകള്‍ ഒരുക്കിയ സംവിധായകനെ സൂപ്പര്‍ സംവിധായകന്‍ എന്ന് പറയുന്നവരാണ്, പുതുമുഖങ്ങളെ വച്ച് രണ്ട് സിനിമ എടുത്ത തന്നെ മോശം സംവിധായകന്‍ എന്ന് വിളിക്കുന്നത് എന്നാണ് ഒമര്‍ ലുലു ഫെയ്‌സ്ബുക്കില്‍ കുറിച്ചിരിക്കുന്നത്.
ഒമര്‍ ലുലുവിന്റെ കുറിപ്പ്:
How beautiful people എന്ന് വരുമോ ആവോ എന്റെ ‘നല്ല സമയം’. ഒരു ചീപീചി അപരത. 2 തവണ മമ്മൂക്കാടെ ഡേറ്റ് കിട്ടിയിട്ടും 2 കൂറ്റന്‍ ആറ്റംബോംബ് പൊട്ടിച്ചവന്‍ അവര്‍ക്ക് സൂപ്പര്‍ ഡയറക്ടര്‍, കുറച്ച് പുതുമുഖങ്ങളെ വച്ച് രണ്ട് ബോംബ് പൊട്ടിച്ച ഞാന്‍ മോശം സംവിധായകനും.
ആഷിഖ് അബുവിനെയും ഡബ്ല്യൂസിസിയെയുമാണോ ഉദ്ദേശിച്ചത് എന്നുള്ള കമന്റുകളാണ് പോസ്റ്റിന് ലഭിക്കുന്നത്. ‘ഡാഡി കൂള്‍’, ‘ഗ്യാംഗ്‌സ്റ്റര്‍’ എന്നീ ഫ്‌ളോപ്പ് സിനിമകളാണ് ഒമര്‍ ലുലു ഉദ്ദേശിച്ചത് എന്നിങ്ങനെയുള്ള കമന്റുകളും പോസ്റ്റിന് താഴെ എത്തുന്നുണ്ട്. ചില കമന്റുകള്‍ക്ക് സംവിധായകന്‍ മറുപടി കൊടുത്തിട്ടുമുണ്ട്.
തന്റെ രണ്ട് സിനിമകള്‍ ഫ്‌ളോപ്പ് ആണെന്ന് സമ്മതിച്ചല്ലോ എന്ന കമന്റിനോടാണ്, തിരിച്ചറിഞ്ഞു എന്ന് ഒമര്‍ലുലു മറുപടി നല്‍കിയത്. ”അപ്പോ നിങ്ങള് സമ്മതിച്ചേ അത് രണ്ടും ബോംബാണെന്ന്” എന്നാണ് കമന്റ്. ”തിരിച്ചറിവാണ് ഒരളെ ശക്തന്‍ ആക്കുന്നത്” എന്നാണ് ഒമര്‍ ലുലുവിന്റെ മറുപടി.