സൗബിന് ഷാഹിര് എന്ന അഭിനേതാവിന്റെ സമാനതകളില്ലാത്ത പ്രകടനത്തിനായിരിക്കും ‘ഇലവീഴാപൂഞ്ചിറ’ സാക്ഷ്യം വഹിക്കുകയെന്ന് ചിത്രത്തിന്റെ നിര്മ്മാതാവ് വിഷ്ണു വേണു. ഒരു നടന് എന്ന നിലയില് സൗബിന്റെ പ്രകടനത്തിന്റെ തത്സമയ സാക്ഷിയാണ് താനെന്നും ഇലവീഴാപൂഞ്ചിറ ഒരിക്കലും മറക്കാനാവാത്ത ഒരു അനുഭവമായിരിക്കും സമ്മാനിക്കുകയെന്നും അദ്ദേഹം പറയുന്നു. ചിത്രത്തിലെ സൗബിന്റെ ഫസ്റ്റ് ലുക്ക് പോസ്റ്റര് പങ്കുവച്ചുള്ള കുറിപ്പിലൂടെയാണ് അദ്ദേഹത്തിന്റെ പ്രതികരണം.
ഫെയ്സ്ബുക്ക് കുറിപ്പ്
‘വിജയിച്ച ഓരോ നടന്റെയും പിന്നില് ഒരു സംവിധായകനുണ്ട്. തന്റെ ക്രാഫ്റ്റില് നന്നായി വൈദഗ്ദ്ധ്യമുള്ള ഒരു കരകൗശലക്കാരന് ഒരു നടനെ കഥാപാത്രത്തിലേക്ക് വാര്ത്തെടുക്കാന് സഹായിക്കുന്നു. ഒരു കഥാപാത്രത്തിന്റെയോ സിനിമയുടെയോ വിജയവും പരാജയവും അഭിനയത്തിന്റെയും കഥയുടെയും സംവിധാനത്തിന്റെയും സമന്വയമാണ്.
ആക്ഷനും കട്ടിനും ഉള്ളില് ഒരു അഭിനേതാവിന്റെ പ്രകടനത്തിന്റെ മികവ് നിര്ണ്ണയിക്കുന്നത് സംവിധായകനാണ്. ഇലവീഴാപൂഞ്ചിറയില് സൗബിന് ഷാഹിര് എന്ന നടന്റെ സമാനതകളില്ലാത്ത പ്രകടനത്തിന് ഞാന് സാക്ഷിയാണ്. ഒരു നടന് എന്ന നിലയില് സൗബിന് ഷാഹിറിന്റെ പ്രകടനത്തിന്റെ തത്സമയ സാക്ഷിയായതിനാല്, ഇലവീഴാപൂഞ്ചിറ ഒരിക്കലും മറക്കാനാവാത്ത ഒരു അനുഭവമായിരിക്കും എന്ന് ഞാന് ഉറപ്പ് നല്കുന്നു.
ഇലവീഴാപൂഞ്ചിറയുടെ നിര്മ്മാണത്തിന് വിയര്പ്പും ചോരയും ഞങ്ങള് ഒഴുക്കിയ ശേഷവും, ലഭിക്കുന്ന റിവ്യൂകളില് അഭിനയത്തെക്കുറിച്ചോ സാങ്കേതികതയെക്കുറിച്ചോ ഭൂരിഭാഗവും നെഗറ്റീവ് ആണെങ്കില് ഇത് എന്റെ അവസാന നിര്മ്മാണ സംരംഭമായിരിക്കും. സെന്ട്രല് പിക്ചേഴ്സിലൂടെയും ഫാര്സ് ഫിലിംസിലൂടെയും ‘ഇലവീഴാപൂഞ്ചിറ’ ഉടന് നിങ്ങളിലേയ്ക്കെത്തുമെന്ന് പങ്കുവെക്കുന്നതില് സന്തോഷമുണ്ട്’.