വിജയ്-അറ്റ്ലി കൂട്ടുകെട്ടിലെത്തിയ “ബിഗിലി”ന് മികച്ച സ്വീകാര്യതയാണ് ലഭിക്കുന്നത്. ഗംഭീര പ്രേക്ഷക പ്രതികരണമാണ് ചിത്രത്തിന് ലഭിക്കുന്നത്. വിജയ്ക്കൊപ്പം ബിഗിലില് അഭിനയിച്ചതിന്റെ സന്തോഷത്തിലാണ് ഇന്ത്യന് ഫുട്ബോള് ഇതിഹാസം ഐ എം വിജയന്.
തന്റെ കരിയറിലെ ഏറ്റവും മികച്ചതും തനിക്ക് ഏറ്റവും ഇഷ്ടപ്പെട്ട ചിത്രമാണ് ബിഗിലെന്ന് ഐ എം വിജയന് വെളിപ്പെടുത്തിയിരുന്നു. എന്നാല് ചിത്രത്തെക്കുറിച്ച് താരത്തിന് ഒരു നിരാശ കൂടിയുണ്ട്. ഫുട്ബോള് പ്രമേയമാക്കി ഒരുക്കിയ ചിത്രത്തില് താന് ഫുട്ബോള് കളിക്കുന്ന ഒരു രംഗം പോലുമില്ലെന്ന നിരാശയാണ് താരത്തിന്.
വിജയ് അച്ഛനും മകനും ആയി എത്തുന്ന ബിഗിലില് വില്ലന് വേഷത്തിലാണ് ഐ എം വിജയന് എത്തുന്നത്. ഇപ്പോള് ഇന്ത്യന് സൂപ്പര് ലീഗ് ഫുട്ബോള് മത്സരങ്ങള് നടക്കുന്ന സമയത്ത് തന്നെ താന് അഭിനയിച്ച ഫുട്ബോള് പ്രമേയം ആയുള്ള ചിത്രം റിലീസ് ആയതിലും ഏറെ സന്തോഷവാനാണ് ഐ എം വിജയന്.