ആമിര് ഖാന്റെ കരിയര് നശിപ്പിച്ചത് താനാണെന്ന് സംവിധായകന് കമാല് ആര് ഖാന്. ലാല് സിങ് ഛദ്ദ തിയേറ്ററില് എത്തിയതിന് പിന്നാലെയാണ് കെആര്കെയുടെ ഈ ട്വീറ്റ്. ചിത്രത്തിന് സമ്മിശ്ര പ്രതികരണങ്ങള് ലഭിക്കവെ, ആമിറിന്റെ കരിയര് തകര്ത്തതിന്റെ മുഴുവന് ഉത്തരവാദിത്തവും തനിക്കാണ് എന്നാണ് കെആര്കെ ട്വീറ്റ് ചെയ്തിരിക്കുന്നത്. ഒപ്പം ഷാരൂഖ് ഖാനും സല്മാന് ഖാനും താരം മുന്നറിയിപ്പും നല്കിയിട്ടുണ്ട്. അടുത്തത് നിങ്ങള് ആണെന്നാണ് വിവാദ നായകന്റെ മുന്നറിയിപ്പ്.
ഷാരൂഖിന്റെ പത്താന് വേഗം റിലീസ് ചെയ്യൂ നിങ്ങള്ക്ക് കാണിച്ച് തരാം എന്നാണ് കെആര്കെ ട്വീറ്റില് പറയുന്നത്. ഷാരൂഖ് നായകനാകുന്ന പത്താനില് സല്മാന് അഥിതി താരമായി എത്തുന്നുണ്ട്. ഷാരൂഖിനെ ടാഗ് ചെയ്ത് സിനിമ നൂറ് ശതമാനം പരാജയമാകുമെന്നും കെആര്കെ കുറിച്ചിട്ടുണ്ട്.
അടുത്തിടെ താന് ലാല് സിങ് ഛദ്ദ കഴിഞ്ഞാല് താന് സിനിമ നിരൂപണം ചെയ്യുന്നത് നിര്ത്തുമെന്ന് കെആര്കെ ട്വീറ്റ് ചെയ്തിരുന്നു. ഇത് കേള്ക്കുമ്പോള് നിങ്ങള്ക്ക് എല്ലാം സന്തോഷമാകും എന്നായിരുന്നു ട്വീറ്റ്. കഴിഞ്ഞ ഒമ്പത് വര്ഷമായി തന്നെ പിന്തുണയ്ക്കുന്നവര്ക്ക് കെആര്കെ നന്ദി പറയുകയും ചെയ്തിരുന്നു.