കരിയറിലെ ഏറ്റവും സുവർണ കാലത്തിലൂടെയാണ് താര ദമ്പതികളായ ദീപിക പദുക്കോണും രൺവീർ സിങ്ങും കടന്നു പോകുന്നത്. . വിവാഹത്തിന് മുന്നേ ഗോസ്സിപ് കോളങ്ങളുടെ സ്ഥിരം ഇരകളായിരുന്നു ഇവർ. ഇപ്പോൾ ദീപിക ഗർഭിണി ആണെന്ന തരത്തിലുള്ള ഗോസിപ്പുകൾ പുറത്തു വരുന്നു. ഇതിനെതിരെ ശക്തമായ മറുപടിയുമായി രംഗത്തു വന്നിരിക്കുകയാണ് ദീപിക പദുകോൺ.
ഇത്തരം ഗോസിപ്പുകൾ തന്നെ ഒട്ടും ഭയപ്പെടുത്തുന്നില്ല. എന്നാൽ സമൂഹത്തിലെ നിലനിൽക്കുന്ന സങ്കല്പങ്ങൾക്കനുസരിച്ചു വരുന്ന ചോദ്യങ്ങൾ അലോസരം ഉണ്ടാക്കുന്നുണ്ട്. കുട്ടികളെ സ്നേഹിക്കുകയും കുട്ടികൾ വേണം എന്ന് ആഗ്രഹിക്കുകയും ചെയ്യുന്നവരാണ് ഞങ്ങൾ. എന്നാൽ ഇപ്പോഴത്തെ മുഴുവൻ ശ്രദ്ധയും കരിയറിൽ മാത്രമാണ്.
എപ്പോഴും സമൂഹത്തിന്റെ പ്രതീക്ഷക്കൊത്ത് പെരുമാറാൻ പറയുന്നത് കഷ്ടമാണ്. ഇനി കല്യാണം കഴിച്ചുകൂടെ, കുട്ടികൾ ആയിക്കൂടെ എന്നൊക്കെ ഉള്ള ചോദ്യങ്ങൾ പറഞ്ഞുറപ്പിച്ച പ്രതീക്ഷകൾ പോലെയാണ്. മുന്നേയും ഇത്തരം ഇടപെടലുകൾക്കെതിരെ ദീപിക ശക്തമായി പ്രതികരിച്ചിട്ടുണ്ട്.
ആസിഡ് ആക്രമണത്തെ അതിജീവിച്ച ലക്ഷ്മി അഗർവാളിന്റെ ജീവിത കഥ പറയുന്ന ചിപ്പാക്കിന്റെ ചിത്രീകരത്തിലാണ് ദീപിക ഇപ്പോൾ. ദീപികയും രൺവീറും ഒന്നിച്ചഭിനയിക്കുന്ന 83 ആണ് പുറത്തു വരാനുള്ള മറ്റൊരു സിനിമ. കബീർ ഖാൻ സംവിധാനം ചെയ്യുന്ന ഈ ചിത്രം മറ്റൊരു ബയോപിക്ക് ആണ്. രൺവീർ സിംഗ് മുൻ ഇന്ത്യൻ ക്രിക്കറ്റ് ടീം ക്യാപ്റ്റൻ കപിൽ ദേവ് ആയി വരുന്ന സിനിമയിൽ അദ്ദേഹത്തിൻറെ ഭാര്യയുടെ വേഷമാണ് ദീപികയ്ക്ക്.