മലയാള സിനിമാ ചരിത്രത്തിൽ ആദ്യമായി ഒരു ചിത്രത്തിന്റെ പ്രൊമോഷൻ ന്യൂയോർക്കിലെ ടൈംസ് സ്ക്വയറിൽ. ഓണത്തിന് തിയേറ്ററുകൾ ഇളക്കി മറിക്കാനെത്തുന്ന ദുൽഖർ സൽമാൻ നായകനായെത്തുന്ന കിംഗ് ഓഫ് കൊത്തയുടെ പ്രൊമോഷൻ ആണ് ടൈംസ് സ്ക്വയറിൽ എത്തിയത്.
മലയാള സിനിമാ ചരിത്രത്തിലാദ്യമായാണ് ടൈംസ് സ്ക്വയറിൽ ഒരു ചിത്രത്തിന്റെ പ്രൊമോഷൻ നടക്കുന്നത്. മലയാള സിനിമയിൽ ഇതുവരെ കണ്ടിട്ടില്ലാത്ത വ്യത്യസ്തമായ പ്രൊമോഷൻ പരിപാടികളാണ് കിംഗ് ഓഫ് കൊത്തയുടെ ഭാഗമായി നടക്കുന്നത്. അഭിലാഷ് ജോഷി സംവിധാനം നിർവഹിച്ച ചിത്രത്തിന് ഗംഭീര പ്രീ ബുക്കിങ് ആണ് ലഭിക്കുന്നത് എന്നാണ് റിപ്പോർട്ട്.
ലോകവ്യാപകമായി ഓഗസ്റ്റ് 24ന് ചിത്രം തിയേറ്ററിൽ എത്തും. അഭിലാഷ് ജോഷി സംവിധാനം നിർവ്വഹിച്ച ചിത്രം പാൻ ഇന്ത്യൻ ലെവലിൽ ആണ് റിലീസിനൊരുങ്ങുന്നത്. ബിഗ് ബജറ്റിൽ ഒരുക്കുന്ന ചിത്രം 400ൽ അധികം സ്ക്രീനുകളിൽ കേരളത്തിൽ റിലീസാകും. ദുൽഖറിന്റെ കരിയറിലെ തന്നെ വെല്ലുവിളി നിറഞ്ഞ ചിത്രമാണ് കിംഗ് ഓഫ് കൊത്ത. സീ സ്റ്റുഡിയോസും ദുൽഖറിന്റെ വേഫറെർ ഫിലിംസും ചേർന്നാണ് നിർമ്മാണം.
ദുൽഖറിനോടൊപ്പം ഐശ്വര്യാ ലക്ഷ്മി, ഷബീർ കല്ലറക്കൽ, പ്രസന്ന, ചെമ്പൻ വിനോദ്, ഷമ്മി തിലകൻ, ഗോകുൽ സുരേഷ്, വടചെന്നൈ ശരൺ, നൈല ഉഷ, ശാന്തി കൃഷ്ണ, അനിഖാ സുരേന്ദ്രൻ തുടങ്ങി വൻ താരനിരയാണ് ചിത്രത്തിലുള്ളത്.