ഡോൺ പാലത്തറ ഒരുക്കുന്ന ‘സന്തോഷത്തിന്റെ ഒന്നാം രഹസ്യം‘ എന്ന സിനിമയുടെ ചിത്രീകരണം പൂർത്തിയായി. ഡോൺ തന്നെ തിരക്കഥ എഴുതി സംവിധാനം ചെയ്യുന്ന ബീ കേവ് മൂവീസിന്റെ ബാനറിൽ ഷിജോ കെ ജോർജാണ് ചിത്രം നിർമ്മിച്ചിരിക്കുന്നത്.
സിംഗിള്‍ ഷോട്ടിലാണ് ഈ ചിത്രം പൂര്‍ത്തീകരിച്ചിരിക്കുന്നത്.
റിമ കല്ലിങ്കൽ, ജിതിൻ പുത്തഞ്ചേരി, നീരജ രാജേന്ദ്രൻ തുടങ്ങിയവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്.
ഒരു കാറിനുള്ളില്‍ നടക്കുന്ന സംഭാഷണങ്ങളിലൂടെ പുരോഗമിക്കുന്ന റിലേഷന്‍ഷിപ്പ് ഡ്രാമയാണ് ചിത്രം. സജി ബാബുവാണ് സിനിമോട്ടോഗ്രഫി.
ശവം, വിത്ത്, 1956- മധ്യതിരുവിതാംകൂർ, എന്നീ ചിത്രങ്ങൾക്ക് ശേഷം പാലത്തറ സംവിധാനം ചെയ്യുന്ന ചിത്രമാണിത്.