‘ആര്ഡിഎക്സ്’ സിനിമയുടെ നിര്മ്മാതാക്കള്ക്കെതിരെ വഞ്ചിച്ചുവെന്ന പരാതിയുമായി യുവതി. വാഗ്ദാനം ചെയ്ത ലാഭവിഹിതം നല്കാതെ വഞ്ചിച്ചുവെന്ന പരാതിയുമായി എറണാകുളം തൃപ്പൂണിത്തുറ സ്വദേശി അഞ്ജനയാണ് രംഗത്തെത്തിയത്.
സിനിമയുടെ നിര്മ്മാതാക്കളായ വീക്കെന്ഡ് ബ്ലോക്ബസ്റ്റേഴ്സിന്റെ സോഫിയ പോള്, ജെയിംസ് പോള് എന്നിവര്ക്കെതിരെയാണ് അഞ്ജന തൃപ്പൂണിത്തുറ പൊലീസില് പരാതി നല്കിയിരിക്കുന്നത്. ആറ് കോടി രൂപ നിക്ഷേപിച്ച തന്നെ വഞ്ചിച്ചെന്നും വ്യാജ രേഖ ഹാജരാക്കി എന്നുമാണ് പരാതിയില് പറയുന്നത്.
ചിത്രം നൂറ് കോടി രൂപ ലാഭം നേടിയതായി നിര്മ്മാതാക്കള് പരസ്യം ചെയ്തിരുന്നുവെന്നും പരാതിക്കാരി പറഞ്ഞു. ‘മഞ്ഞുമ്മല് ബോയ്സ്’ എന്ന സിനിമയുടെ നിര്മ്മാതാക്കള്ക്കെതിരെ ഇ.ഡി അന്വേഷണം നടന്നുകൊണ്ടിരിക്കേയാണ് സമാനമായ മറ്റൊരു പരാതി കൂടി എത്തിയിരിക്കുന്നത്.
കഴിഞ്ഞ വര്ഷം ഓഗസ്റ്റ് 25ന് ആണ് ആര്ഡിഎക്സ് തിയേറ്ററില് എത്തിയത്. നഹാസ് ഹിദായത്തിന്റെ സംവിധാനത്തില് ഒരുങ്ങിയ ചിത്രത്തില് നീരജ് മാധവ്, ആന്റണി വര്ഗീസ്, ഷെയ്ന് നിഗം, ബാബു ആന്റണി, മഹിമ നമ്പ്യാര് എന്നിവരാണ് പ്രധാന കഥാപാത്രങ്ങളായത്.