നോവല്, മൊഹബത്ത് എന്നീ ചിത്രങ്ങള്ക്ക് ശേഷം ഈസ്റ്റ് കോസ്റ്റ് വിജയന് സംവിധാനം ചെയ്യുന്ന ചില ന്യൂജെന് നാട്ടുവിശേഷങ്ങള് ഇന്നു റിലീസ് ചെയ്യും. പ്രണയത്തിനും നര്മ്മത്തിനും സംഗീതത്തിനും തുല്യ പ്രാധാന്യം നല്കി ഒരുക്കുന്ന ചിത്രത്തില് സുരാജ് വെഞ്ഞാറമൂട്, ഹരീഷ് കണാരന് എന്നിവരും നിരവധി പുതുമുഖങ്ങളും അഭിനയിക്കുന്നുണ്ട്.
അഖില് പ്രഭാകര്,ശിവകാമി, സോനു എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. ഈസ്റ്റ് കോസ്റ്റ് വിജയന് തന്നെ നിര്മ്മിച്ച് വിതരണം ചെയ്യുന്ന ചിത്രത്തിന് തിരക്കഥയൊരുക്കിയിരിക്കുന്നത് എസ്.എല് പുരം ജയസൂര്യയാണ്. ഛായാഗ്രഹണം അനില് നായര്. എം. ജയചന്ദ്രന് നീണ്ട പത്ത് വര്ഷത്തിനു ശേഷം വീണ്ടും ഈസ്റ്റ് കോസ്റ്റുമായി ഒന്നിക്കുന്ന ചിത്രമെന്ന പ്രത്യേകതയും ചില ന്യൂജെന് നാട്ടുവിശേഷങ്ങള്ക്കുണ്ട്.
എം. ജയചന്ദ്രന് ഈണമിട്ട അഞ്ച് ഗാനങ്ങളാണ് ചിത്രത്തില് ഉള്ളത്. സന്തോഷ് വര്മ, ഈസ്റ്റ് കോസ്റ്റ് വിജയന് എന്നിവരുടെതാണ് വരികള്.ഗാനഗന്ധര്വ്വന്, യേശുദാസ്, ശങ്കര് മഹാദേവന്, പി. ജയചന്ദ്രന്, എം.ജി ശ്രീകുമാര്, ശ്രേയാ ഘോഷാല് എന്നിവരാണ് ചിത്രത്തിലെ ഗാനങ്ങള് ആലപിച്ചിരിക്കുന്നത്.