ആറ് കഥകളുമായി എത്തുന്ന “ചെരാതുകള്” ആന്തോളജി സിനിമയുടെ ടീസര് പുറത്ത്. “123 മ്യൂസിക്സ്” യൂട്യൂബ് ചാനലിലൂടെ നടന് ഉണ്ണി മുകുന്ദന് ടീസര് റിലീസ് ചെയ്തത്. ഷാജന് കല്ലായി, ഷാനൂബ് കരുവത്ത്, ഫവാസ് മുഹമ്മദ്, അനു കുരിശിങ്കല്, ശ്രീജിത്ത് ചന്ദ്രന്, ജയേഷ് മോഹന് എന്നീ ആറു സംവിധായകരാണ് ഈ ചിത്രം ഒരുക്കുന്നത്.
ജൂണ് 17-ന് പ്രമുഖ അഞ്ച് ഒ.ടി.ടി പ്ലാറ്റ്ഫോമുകളില് ചിത്രം റിലീസിന് എത്തും. മറീന മൈക്കില്, ആദില് ഇബ്രാഹിം, മാല പാര്വതി, മനോഹരി ജോയ്, ദേവകി രാജേന്ദ്രന്, പാര്വതി അരുണ്, ശിവജി ഗുരുവായൂര്, ബാബു അന്നൂര് എന്നിവരാണ് ചിത്രത്തില് പ്രധാന കഥാപാത്രങ്ങളാകുന്നത്.
ചിത്രത്തിലെ പ്രധാനപ്പെട്ട സ്ത്രീ കഥാപാത്രങ്ങളാണ് പോസ്റ്ററില് ഉണ്ടായത്. മാമ്പ്ര ഫൗണ്ടേഷന്റെ ബാനറില് ഡോ. മാത്യു മാമ്പ്രയാണ് ചെരാതുകള് നിര്മ്മിക്കുന്നത്. ജനുവരിയില് ചിത്രത്തിന്റെ ഷൂട്ടിംഗ് പൂര്ത്തിയായിരുന്നു. വിധുപ്രതാപ്, നിത്യ മാമ്മന് എന്നിവര് ഗാനങ്ങള് ആലപിച്ചിരിക്കുന്നു.
ജോസ്കുട്ടി ഉള്പ്പടെ ആറു ഛായാഗ്രഹകരും, സി.ആര് ശ്രീജിത്ത് അടങ്ങുന്ന ആറു ചിത്രസംയോജകരും ഒരുമിക്കുന്ന ചിത്രത്തിന്റെ സംഗീതം മെജ്ജോ ജോസഫ് തുടങ്ങിയ ആറു സംഗീത സംവിധായകര് നിര്വഹിക്കുന്നു. സൗണ്ട് ഡിസൈന് ഷെഫിന്-മായന്, പി.ആര്.ഒ.-പി. ശിവപ്രസാദ്, ഡിജിറ്റല് മാര്ക്കറ്റിംഗ്-ഓണ്പ്രൊ എന്റര്ടൈന്മെന്റ്സ്.