ഇന്നലെയാണ് മോഹന്ലാല്- സിദ്ദിഖ് ചിത്രം ബിഗ് ബ്രദറിലെ വീഡിയോ ഗാനം റിലീസ് ചെയ്തത്. കണ്ടോ.. കണ്ടോ എന്ന് തുടങ്ങുന്ന ഗാനത്തിന് മികച്ച സ്വീകരണമാണ് പ്രേക്ഷകരില് നിന്ന് ലഭിക്കുന്നത്. പുറത്തുവിട്ട് മണിക്കൂറുകള്ക്കുള്ളില് തന്നെ യൂട്യൂബ് ട്രെന്ഡിംഗ് ലിസ്റ്റില് ഇടം നേടിയിരിക്കുകയാണ് വീഡിയോ.
അമിത് ത്രിവേദി, ഗൗരി ലക്ഷ്മി എന്നിവര് ചേര്ന്നാണ് ഗാനം ആലപിച്ചിരിക്കുന്നത്. റഫീഖ് അഹമ്മദിന്റെ വരികള്ക്ക് ദീപക് ദേവാണ് സംഗീതം പകര്ന്നിരിക്കുന്നത്. ഈ ഗാനത്തിന്റെ ലിറിക്കല് വീഡിയോ നേരത്തെ റിലീസ് ചെയ്തിരുന്നു.
ചിത്രത്തില് സച്ചിദാനന്ദന് എന്ന കഥാപാത്രത്തെയാണ് മോഹന്ലാല് ചിത്രത്തില് അവതരിപ്പിക്കുന്നത്. സല്മാന് ഖാന്റെ സഹോദരന് അര്ബാസ് ഖാനും ചിത്രത്തില് പ്രധാന വേഷത്തിലെത്തുന്നുണ്ട്. വേദാന്തം ഐപിഎസ് എന്ന കഥാപാത്രത്തെയാണ് അര്ബാസ് ചിത്രത്തില് അവതരിപ്പിക്കുന്നത്.
ആക്ഷന് കോമഡി വിഭാഗത്തില് ഒരുങ്ങുന്ന ചിത്രത്തില് മൂന്ന് നായികമാരാണ് അണിനിരക്കുന്നത്. തെന്നിന്ത്യന് നടി റജീന കസാന്ഡ്ര, സത്ന ടൈറ്റസ്, ജനാര്ദ്ദനന്, സിദ്ദിഖ്, വിഷ്ണു ഉണ്ണികൃഷ്ണന്, അനൂപ് മേനോന്, ചെമ്പന് വിനോദ്, ടിനി ടോം, ജൂണ് ഫെയിം സര്ജാനോ ഖാലിദ് തുടങ്ങിയവരും ചിത്രത്തില് പ്രധാന വേഷങ്ങളിലെത്തുന്നു. ചിത്രം ഈമാസം തിയേറ്ററുകളിലെത്തും.