മമ്മൂട്ടിയുടെ മെഗാ ഹിറ്റ് ചിത്രം ബിഗ് ബിയുടെ രണ്ടാം ഭാഗം ബിലാല് എന്ന പേരില് വരുന്നതായി വാര്ത്തകള് പുറത്തുവന്നിരുന്നു. മമ്മൂട്ടി ബിലാലായി വരുന്നു എന്ന വെളിപ്പെടുത്തല് നടത്തിയത് അമല് നീരദ് തന്നെയാണ്. ഇപ്പോഴിതാ ചിത്രത്തില് ഫഹദ് ഫാസിലും ഒരു പ്രധാനവേഷത്തിലെത്തുമെന്നാണ് റിപ്പോര്ട്ട്. കാതറിന് ട്രീസയായിരിക്കും നായിക. എന്നാല് ഇത് സംബന്ധിച്ച് ഒരു ഔദ്യോഗിക സ്ഥിരീകരണവും ഉണ്ടായിട്ടില്ല.
ബിഗ്ബിയുടെ സംഭാഷണം എഴുതിയ ഉണ്ണി ആറും വരത്തന്, വൈറസ് എന്നീ ചിത്രങ്ങളുടെ തിരക്കഥ നിര്വഹിച്ച ഷറഫുവും സുഹാസും ചേര്ന്നാണ് രണ്ടാം ഭാഗത്തിന്റെ തിരക്കഥയൊരുക്കുന്നത്.
എടുത്തു വളര്ത്തപ്പെട്ട നാല് സഹോദരന്മാരുടെ കഥ പറയുന്ന ചിത്രമായിരുന്നു ബിഗ് ബി. ബിലാല് എന്നത് മമ്മൂട്ടിയുടെ കഥാപാത്രത്തിന്റെ പേരായിരുന്നു. ഈ പേര് തന്നെയാണ് ഇപ്പോള് ചിത്രത്തിനും നല്കിയിരിക്കുന്നത്. മമ്മൂട്ടി ആരാധകര് ഏറ്റവും അധികം ആഘോഷിച്ച ചിത്രങ്ങളിലൊന്നായ ബിഗ് ബി വീണ്ടും വരുന്നു എന്നത് ആരാധകരെ സംബന്ധിച്ച് വലിയ ആവേശം ഉണ്ടാക്കുന്ന വാര്ത്തയാണ്.