നടി റിമാ കല്ലിങ്കലിനെതിരെയും സംവിധായകന് ആഷിഖ് അബുവിനെതിരെയും ഉയര്ന്ന ലഹരിമരുന്ന ആരോപണം മലയാളത്തിലെ മാധ്യമങ്ങള് മുക്കിയെന്ന് ഡബ്ബിങ് ആര്ട്ടിസ്റ്റ് ഭാഗ്യലക്ഷ്മി. റിമയ്ക്കും ആഷിഖ് അബുവിനുമെതിരെ ഗുരുതര ആരോപണങ്ങളുമായി തമിഴ്നാട് സ്വദേശിയായ ഗായിക സുചിത്ര കഴിഞ്ഞ ദിവസം രംഗത്തെത്തിയിരുന്നു. റിമ കല്ലിങ്കലിന്റെ കരിയര് തകരാനുള്ള പ്രധാന കാരണം അവര് നടത്തിയ മയക്കുമരുന്ന് പാര്ട്ടികളാണ് എന്നാണ് സുചിത്ര ആരോപിക്കുന്നത്. ഇത്തരം പാര്ട്ടികളില് പങ്കെടുത്ത ഗായകരാണ് തന്നോട് ഇതിനെ കുറിച്ച് പറഞ്ഞത് എന്നാണ് ഒരു അഭിമുഖത്തില് സുചിത്ര വെളിപ്പെടുത്തിയത്.
റിമ കല്ലിങ്കിലിന്റെ കരിയര് തകര്ത്തത് ലഹരിയാണ്. പാര്ട്ടികളില് മയക്കുമരുന്ന് ഒഴുകുകയാണ്. സ്ത്രീകളും പുരുഷന്മാരും ഈ പാര്ട്ടികളില് ലഹരി വസ്തുക്കള് ഉപയോഗിച്ചിട്ടുണ്ട്. പാര്ട്ടികളില് ഉപയോഗിക്കാന് പാടില്ലാത്ത വസ്തുക്കളാണ് ഇവര് ഉപയോഗിക്കുന്നത്.
കൊച്ചിയില് റെയ്ഡുകള് നടന്നത് റിമ കല്ലിങ്കലിനും ആഷിക്ക് അബുവിനും എതിരെയല്ലേ എന്നും അവര് ചോദിച്ചു. ലഹരി ഒരിക്കല് പോലും ഉപയോഗിക്കാത്ത ഒരുപാട് പാവം പെണ്കുട്ടികള്ക്ക് ലഹരി ആദ്യം നല്കിയത് റിമ കല്ലിങ്കലാണ്. റിമയുടെ വീട്ടില് നടന്ന പാര്ട്ടികളില് എത്ര പെണ്കുട്ടികള് ലൈംഗികമായി ദുരുപയോഗം ചെയ്യപ്പെട്ടിട്ടുണ്ട്.
എന്നാല്, ഇക്കാര്യങ്ങള് റിപ്പോര്ട്ട് ചെയ്ത മാധ്യമങ്ങള് മണിക്കൂറുകള്ക്കുള്ളില് വാര്ത്തകള് മുക്കി. മാധ്യമങ്ങളുടെ അജണ്ടയാണ് ഇതിലൂടെ വ്യക്തമാകുന്നതെന്ന് ഭാഗ്യലക്ഷ്മി പറഞ്ഞു. ഒരു തലമുറയൊയാണ് അവര് നശിപ്പിക്കുന്നത്. ഇവര്ക്കെതിരെ അന്വേക്ഷണം വേണമെന്നും അവര് പറഞ്ഞു.
മലയാള സിനിമയിലെ ലഹരി മാഫിയയെക്കുറിച്ച് നേരത്തെയും ആരോപണം ഉയര്ന്നിരുന്നു. എന്നാല്, ഇതിനെക്കുറിച്ച് ഒരു അന്വേഷണം നടന്നില്ല. ഹേമ കമ്മറ്റിയില് കേവലം നാലുപേര് മാത്രമാണ് മൊഴി കൊടുത്തത്. അതിനാല് കമ്മറ്റിയില് വിശ്വാസമില്ലെന്നും അവര് പറഞ്ഞു.
തൊഴിലാളികളായി പരിഗണിച്ചത് നാല് സ്ത്രീകളെ മാത്രമാണെന്നും ഭാഗ്യലക്ഷ്മി കുറ്റപ്പെടുത്തി.അവരോട് ചോദിച്ചറിഞ്ഞത് ലൈംഗിക അതിക്രമങ്ങളെക്കുറിച്ച് മാത്രമാണെന്ന് പറഞ്ഞ ഭാഗ്യലക്ഷ്മി സിനിമാ മേഖലയില് വേറെയും പ്രശ്നങ്ങളുണ്ട്.
സിനിമയില് സ്ത്രീകള്ക്കെതിരെ സ്ത്രീകളുടെ തന്നെ കൂട്ടായ്മകള് പ്രവര്ത്തിക്കുന്നുണ്ടെന്ന് പറഞ്ഞ ഇവര് ഫെഫ്ക പോലുള്ള സംഘടനകളെ തകര്ക്കാന് ഈ കൂട്ടായ്മകള് ശ്രമിക്കുന്നുണ്ടെന്നും പറഞ്ഞു. കൂടാതെ ഡബ്ല്യു.സിസി അംഗങ്ങള്ക്കെതിരെ ഉയര്ന്ന ആരോപണങ്ങളിലും അന്വേഷണം വേണമെന്നും ഭാഗ്യലക്ഷ്മി ആവശ്യപ്പെട്ടിട്ടുണ്ട്.
‘ആ റിപ്പോര്ട്ട് പുറത്ത് വന്ന അന്ന് മുതല് സിനിമാ ലോകത്ത് ഉള്ള എല്ലാ സ്ത്രീകളും അപമാനിക്കപ്പെട്ടുകൊണ്ടിരിക്കുകയാണ്. കേവലം നടി നടന്മാരെ മാത്രമാണ് നിങ്ങള് കണ്ടത്. എന്റെ കൂടെ ഇവിടെയുള്ള ആരെയെങ്കിലും നിങ്ങള് മുമ്പ് കണ്ടിട്ടുണ്ടോ?.
ഇവര്ക്കെല്ലാവര്ക്കും മാധ്യമങ്ങളുടെ മുന്നില് വരാന് ഭയമാണ് കാരണം ഇവരെയും നിങ്ങള് മാധ്യമങ്ങള് പീഡിപ്പിക്കപ്പെട്ടവരായി ചിത്രീകരിക്കുമോ എന്ന പേടിയുണ്ട് ഇവര്ക്ക്,’ ഭാഗ്യലക്ഷ്മി വാര്ത്താ സമ്മേളനത്തില് പറഞ്ഞു.
കഴിഞ്ഞ ദിവസം ഭാഗ്യലക്ഷ്മിക്കെതിരെ ഷൂട്ടിങ് സെറ്റിലെ ചില ആരോപണങ്ങള് ഉന്നയിച്ച് മൂന്ന് ജൂനിയര് ആര്ട്ടിസ്റ്റുകള് രംഗത്തെത്തിയിരുന്നു. ഈ പശ്ചാത്തലത്തില് നടന്ന പത്രസമ്മേളനത്തില് ആണ് ഭാഗ്യലക്ഷ്മിയുടെ പ്രതികരണം. ഓഗസ്റ്റ് 31ന് ഹേമ കമ്മിറ്റി റിപ്പോര്ട്ട് ചര്ച്ച ചെയ്യാന് ഫെഫ്കയിലെ വനിത അംഗങ്ങള് ഉള്പ്പെടുന്ന ഒരു യോഗം വിളിച്ച് ചേര്ത്തിരുന്നെന്നും ആ സമ്മേളനത്തില് രണ്ട് വ്യക്തികള് മനപ്പൂര്വ്വം പ്രശ്നങ്ങള് സൃഷ്ടിക്കാന് ശ്രമിച്ചന്നെ് പറഞ്ഞ ഭാഗ്യലക്ഷ്മി അത് ഫെഫ്കയെ തകര്ക്കാനുള്ള ശ്രമത്തിന്റെ ഭാഗമാണെന്നും കൂട്ടിച്ചേര്ത്തു.
ഹേമ കമ്മിറ്റി സെലക്ടീവായി അഭിനേതാക്കളുടെ അഭിപ്രായം രേഖപ്പെടുത്തിയപ്പോള് മേക്ക് അപ്പ് ആര്ട്ടിസ്റ്റ്, ഡബ്ബിങ് ആര്ട്ടിസ്റ്റ് എന്നീ മേഖലകളിലെ വിരലിലെണ്ണാവുന്ന ആളുകളുടെ മൊഴി മാത്രം ആണ് രംഗപ്പെടുത്തിയത്. അതിനപ്പുറത്തോക്ക് ഈ മേഖലയിലെ സ്ത്രീകളുടെ അഭിപ്രായം തേടാന് കമ്മിറ്റി ശ്രമിച്ചില്ലെന്നും ഭാഗ്യലക്ഷ്മി കുറ്റപ്പെടുത്തി.