തന്റെ പ്രണയത്തെ കുറിച്ച് നടി ഷക്കീല അഭിമുഖങ്ങളില് തുറന്നു പറയാറുണ്ട്. ഷക്കീലയുടെ ആദ്യ പ്രണയം പത്താം വയസില് ആയിരുന്നു. അടുത്ത വീട്ടിലെ പയ്യനായിരുന്നു ആദ്യ കാമുകന്. ബദാമും പാലും ലഡ്ഡുവുമൊക്കെ അവന് തന്നിരുന്നു എന്നായിരുന്നു ഷക്കീല പറഞ്ഞത്. ഇതിന് പിന്നാലെ പത്ത് വര്ഷം മുമ്പുണ്ടായിരുന്ന തന്റെ പ്രണയത്തെ കുറിച്ചും ഷക്കീല പറഞ്ഞിരുന്നു.
പത്ത് വര്ഷത്തിന് മുമ്പ് ഞാനും റിച്ചാര്ഡും പ്രണയത്തിലായിരുന്നു എന്ന് ഷക്കീല വെളിപ്പെടുത്തിയിരുന്നു. ഈ ബന്ധത്തെ കുറിച്ച് കൂടുതല് വെളിപ്പെടുത്തലുകളുമായി രംഗത്തെത്തിയിരിക്കുകയാണ് നടന് ബയില്വാന് രംഗനാഥന്. ഷക്കീല പറഞ്ഞ റിച്ചാര്ഡ് നടി ശാലിനിമയുടെ സഹോദരനും അജിത്തിന്റെ അളിയനുമാണ് എന്നാണ് ബയില്വാന് പറയുന്നത്.
തങ്ങള് ലിവിംഗ് ടുഗദറില് ആയിരുന്നു എന്നാണ് ഷക്കീല പറയുന്നത്. തന്നെ കല്യാണം കഴിക്കണമെന്ന് റിച്ചാര്ഡ് പറഞ്ഞിരുന്നു. കല്യാണം കഴിക്കാം എന്ന് പറഞ്ഞ് അവന് പറ്റിച്ചു. ജീവന് തുല്യം സ്നേഹിച്ചു എന്നൊക്കെയാണ് ഷക്കീല പറയുന്നത്. ഇനി റിച്ചാര്ഡ് മറുപടി നല്കിയിട്ടും കാര്യമില്ല.
കാരണം ഷക്കീലാമ്മ പറഞ്ഞതാണ്. അതാകും എല്ലാവരും വിശ്വസിക്കുക എന്നാണ് ബയില്വാന് പറയുന്നത്. റിച്ചാര്ഡുമായുള്ള പ്രണയം തനിക്ക് 21 വയസുളളത് വരെ പോയി എന്നാണ് നേരത്തെ ഷക്കീല പറഞ്ഞത്. താന് ആദ്യമായി ഐ ലവ് യു പറഞ്ഞതും റിച്ചാര്ഡിനോടാണെന്നും ഷക്കീല പറയുന്നുണ്ട്.
അച്ഛന് മരിക്കുന്നത് വരെ തങ്ങള് സുഹൃത്തുക്കളായിരുന്നു. പിന്നീടാണ് കാമുകനും കാമുകിയുമാകുന്നത്. സിനിമകള് ചെയ്യാന് തുടങ്ങിയതോടെ താന് തിരക്കിലായി. പിന്നീട് തങ്ങള് മനസിലാക്കി. വരുന്നത് പോലെ നോക്കാം എന്ന് പറഞ്ഞു. അങ്ങനെയാണ് സംസാരിച്ചത്.
വഴക്കിട്ടൊന്നുമല്ല പിരിഞ്ഞത്. രണ്ടു പേരും അവരവരുടെ ജീവിതത്തില് തിരക്കായി. തന്നെ മലയാളം സൂപ്പര് സ്റ്റാര് എന്നാണ് വിളിക്കുക. ഇപ്പോഴും സംസാരിക്കാറുണ്ട്. ബെസ്റ്റ് ഫ്രണ്ട്സാണ്. എന്തും ചര്ച്ച ചെയ്യാന് പറ്റുന്നവരാണ് എന്നായിരുന്നു ഷക്കീല ഒരിക്കല് പറഞ്ഞത്.