ഷാരൂഖ് ചിത്രം പത്താനെ ചുറ്റിപ്പറ്റിയുള്ള വിവാദങ്ങള് അവസാനിക്കാതെ തുടരുകയാണ്. ചിത്രത്തില് ദീപിക പദുകോണ് കാവി ബിക്കിനി അണിഞ്ഞു കൊണ്ട് അഭിനിച്ച ബേശരം രംഗ് എന്ന ഗാനരംഗം പുറത്തുവന്നതാണ് എല്ലാ പ്രശ്നങ്ങള്ക്കും തുടക്കം.
രാജ്യമെമ്പാടുമുയര്ന്ന പ്രതിഷേധങ്ങളെത്തുടര്ന്ന് ചിത്രത്തിന് സെന്സര്ബോര്ഡ് ചില കട്ടുകള് നിര്ദ്ദേശിച്ചിരുന്നു. എങ്കിലും അങ്ങനെയും പ്രതിഷേധം അവസാനിച്ചില്ല. ഇപ്പോഴിതാ ജനുവരി 25ന് തീയേറ്ററുകളിലെത്തുന്ന സിനിമയുടെ പ്രദര്ശനം തടയുമെന്ന് ഭീഷണി മുഴക്കിയിരിക്കുകയാണ് ബജ്രംഗ് ദള്.
ബജ്രംഗ് ദളിന്റെ ഭീഷണിയ്ക്കെതിരെ ബോളിവുഡിലെ പലപ്രമുഖരും സോഷ്യല്മീഡിയയില് രംഗത്ത് വന്നിട്ടുണ്ട്. ഇപ്പോഴിതാ ഇതുസംബന്ധിച്ച വിവാദനായകന് കമാല് ആര് ഖാന്റെ പ്രസ്താവനയാണ് വൈറലാകുന്നത്.
റിലീസിന് മുമ്പേ തന്നെ പത്താന് ഒരു വന്ദുരന്തമാണ്. പിന്നെ എന്തിനാണ് ബജ് രംഗ് ദള് പ്രതിഷേധിക്കുന്നതെന്ന് എനിക്ക് മനസ്സിലാകുന്നില്ല, ഇവര്ക്ക് വിവരമില്ലേ എന്നാണ് കെ ആര്കെയുടെ ചോദ്യം.
2020ല് തുടങ്ങിയ ചിത്രത്തിന്റെ ഷൂട്ടിങ് കോവിഡ് മൂലം ഇടയ്ക്ക് നിര്ത്തിവയ്ക്കേണ്ടിവന്നിരുന്നു. മൂംബൈ,ദുബായ്, സ്പെയിന്,ഇറ്റലി, ഫ്രാന്സ്,റഷ്യ, തുര്ക്കി എന്നിവടങ്ങളിലായിട്ടാണ് ചിത്രീകരണം പൂര്ത്തിയാക്കിയത്. ആദിത്യ ചോപ്ര നിര്മിക്കുന്ന ചിത്രം സിദ്ധാര്ഥ് ആനന്ദാണ് സംവിധാനം ചെയ്തിരിക്കുന്നത്.