ജയസൂര്യ നായകനായെത്തുന്ന പുതിയ ചിത്രം “അന്വേഷണ”ത്തിന്റെ സെന്സറിംഗ് പൂര്ത്തിയായി. ക്ലീന് യു സര്ട്ടിഫിക്കറ്റാണ് ചിത്രത്തിന് ലഭിച്ചിരിക്കുന്നത്. “സത്യം എപ്പോഴും വിചിത്രമായിരിക്കും” എന്ന ടാഗ് ലൈനോടുകൂടെ എത്തുന്ന ചിത്രം ഒരു മെഡിക്കല് ത്രില്ലര് ആയാണ് എത്തുക.
“ലില്ലി”ക്ക് ശേഷം പ്രശോഭ് വിജയന് സംവിധാനം ചെയ്യുന്ന ചിത്രത്തിന്റെ കഥ നവാഗതനായ ഫ്രാന്സിസ് തോമസിന്റേതാണ്. ലാല്, വിജയ് ബാബു, ശ്രുതി രാമചന്ദ്രന്, ലിയോണ ലിഷോയ്, ലെന തുടങ്ങിയവര് പ്രധാനകഥാപാത്രങ്ങളായി എത്തുന്നു.
സുജിത് വാസുദേവാണ് ഛായാഗ്രഹണം. ഇ4 എന്റര്ടൈന്മെന്റ്സിന്റെ ബാനറില് മുകേഷ് ആര്.മെഹ്ത, എ.വി അനൂപ്, സി.വി സാരഥി എന്നിവരാണ് ചിത്രം നിര്മ്മിക്കുന്നത്. ജേക്സ് ബിജോയ് സംഗീതം നിര്വഹിക്കുന്ന ചിത്രം ഈ മാസം 31 ന് തിയേറ്ററുകളിലെത്തും.