വി കെ പ്രകാശിന്റെ സംവിധാനത്തില് അനുപം ഖേര് നായകനായി ഹിന്ദി ചിത്രം ഒരുങ്ങുന്നു. സംവിധായകന് തന്നെയാണ് സോഷ്യല്മീഡിയയില് പുതിയ ചിത്രത്തിന്റെ പ്രഖ്യാപനം നടത്തിയത്.’കാഗസ് 2′ ആണ് വി കെ പ്രകാശ് ഒരുക്കുന്ന ചിത്രം. സതീഷ് കൗശിക് സംവിധാനം ചെയ്ത ‘കാഗസി’ന്റെ രണ്ടാം ഭാഗമാണ് ഈ ചിത്രം .
പങ്കജ് ത്രിപാതി നായകനായെത്തിയ ചിത്രം 2021ലാണ് പ്രദര്ശനത്തിന് എത്തിയത്. അനു മൂത്തേടത്താണ് ചിത്രത്തിന്റെ രണ്ടാം ഭാഗത്തിന്റെ ഛായാഗ്രാഹകന്. അനുപം ഖേര്, ദര്ശന് കുമാര്, സ്മൃതി കര്ല, സതിഷ് കൗശിക്, നീന ഗുപ്ത എന്നിവര് പ്രധാന അഭിനേതാക്കളായി എത്തുന്നു.
ദി സതിഷ് കൗശിക് എന്റര്ടെയ്ന്മെന്റിന്റെ ബാനറില് നിഷാന്ത് കൗശികാണ് നിര്മ്മാണം.നവ്യ നായര് നായികയായ ‘ഒരുത്തീ’ ആണ് വി കെ പ്രകാശിന്റെ അവസാനം തിയേറ്ററുകളില് എത്തിയ ചിത്രം. സോഷ്യല് ത്രില്ലര് ‘ലൈവ്’ ആണ് അണിയറയിലുള്ളത്.
മംമ്ത മോഹന്ദാസ്, സൗബിന് ഷാഹിര്, ഷൈന് ടോം ചാക്കോ, പ്രിയ വാര്യര്, കൃഷ്ണ പ്രഭ, രശ്മി സോമന് എന്നിവരുള്പ്പെടെ വലിയ താരനിര ചിത്രത്തില് ഉണ്ട്.
