നടന്‍ ശിവകാര്‍ത്തികേയന്‍ നായകനായെത്തുന്ന പുതിയ ചിത്രം പ്രഖ്യാപിച്ചു. ‘കൊട്ടുകാളി’ എന്ന് പേരിട്ടിരിക്കുന്ന സിനിമയില്‍ നായികയായെത്തുക മലയാളി താരം അന്ന ബെന്‍ ആണ് . തന്റെ ഈ പുതിയ സിനിമയുടെ പ്രഖ്യാപനം ശിവകാര്‍ത്തികേയന്‍ തന്നെയാണ് സമൂഹ മാധ്യമങ്ങളിലൂടെ നടത്തിയത്. സിനിമയുടെ ഫസ്റ്റ് ലുക്ക് പോസ്റ്ററും റിലീസ് ചെയ്തിട്ടുണ്ട്.
പി എസ് വിനോദ് രാജാണ് ചിത്രം സംവിധാനം ചെയ്യുന്നത്. 2022ലെ ഓസ്‌കാറിലേക്കുള്ള ഇന്ത്യയുടെ ഒഫീഷ്യല്‍ എന്‍ട്രി ആയിരുന്ന ‘കൂഴങ്കല്ല്’ ഒരുക്കിയ സംവിധായകനാണ് വിനോദ് രാജ്. റോട്ടര്‍ഡാം ചലച്ചിത്രമേളയില്‍ മികച്ച ചിത്രത്തിനുള്ള ടൈഗര്‍ പുരസ്‌കാരം കൂഴങ്കല്ല് സ്വന്തമാക്കിയിരുന്നു.
ശിവകാര്‍ത്തികേയന്‍ തന്നെയാണ് ‘കൊട്ടുകാളി’യുടെ നിര്‍മ്മാണവും നിര്‍വഹിക്കുന്നത്. സൂരി ഈ ചിത്രത്തില്‍ ഒരു സുപ്രധാന കഥാപാത്രത്തെ അവതരിപ്പിക്കുന്നുണ്ട്. ഛായാഗ്രഹണം: ബി ശക്തിവേല്‍, എഡിറ്റിംഗ്: ഗണേഷ് ശിവ, സഹ നിര്‍മ്മാണം: കലൈ അരസ് തുടങ്ങിയവരാണ് മറ്റ് അണിയറപ്രവര്‍ത്തകര്‍.
